1 TIMOTHE 4:1 - Pathien Lekhabu Inthieng (BSI)

¹ Nisienlakhawm, Thlarau chun chiengtakin a hril: nakie pha chun mi ṭhenkhathai chun ṭhuoi hmangna thlarauhai le khawhrihai inchûktirna thu ngaisakin ringna chu la bânsan an tih, mi khêlhliphai vervêkna leiin ti hi.

1 TIMOTHE 4:1 ပူးပေါင်းရင်းမြစ်များ

INṬANNA 3:13

Chun, Lalpa Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, Lalpa thuin, ‘Bei dâm fa a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

JEREMIA 23:26

Zâwlnei thukhêl hriltuhai, anni lungril inhlêmnaa zâwlneihai chu, chuonghai lungrila chun hi hi iengchen am a um ding a na?

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 49:39

Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

EZEKIEL 1:3

Kebar vadung panga Kaldaihai rama chun, Buzi naupa thiempu Ezekiel kuoma chun Lalpa thu chu fietakin a hung tlung ta a; chutaka chun ama chunga chun Lalpa kut chu a um a.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

DANIEL 10:14

Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau si a,” a ta.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

MIKA 4:1

Nisienlakhawm, ni nuhnungahai chun hieng ang hi hung nîng a ta; Lalpa in umna tlâng chu tlâng lienhai chunga chun sukdet nîng a ta, tlâng chînhai chunga chun chawisângin um bawk a tih; chutaka chun chi tinrênghai chu fe hum hum an tih.

NAMBAR 24:14

Ngai ta! tuhin ka mihai kuomah ka fe ding a nih; hung la, hieng mihai hin hi hnunga i mihai chunga an thaw dân ding hril ka ti cheu,” a ta.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

LUKA 17:1

Chun, Isûn a închûktirhai kuomah, “Tlûknahai hi um hlak sienla khawm, tlûkna inumtirtu chung chu a rik!

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 20:23

Thlarau Inthiengin ‘Khuopna le rinumnain a tuok che’, tiin khaw tinah a mîn hriettir hlak, chu chau chu ka hriet a nih.

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

THILTHAWHAI 28:25

An inngei ta naw a, Paulain thu baukhat a hril zoin an suok ta a. A thu hril chu hi hi a nih: “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,

1 KORINTH 10:20

Jentailhai inthâwina chu Pathien kuomah ni lovin, khawhrihai kuomah an inthâwi hlak ti ka hril lem a nih; nangnirawi chu khawhrihai in inṭawmpui ka nuompêk naw cheu a ni hi.

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

1 KORINTH 12:11

nisienlakhawm, chuong po po chu Thlarau thuhmun bawk chun, mi tin kuomah a nuom ang peia semin sin a thaw hlak.

1 KORINTH 2:10

Keini ruok chu chuong chu Pathienin Thlarauin a mîn hriettir tah a nih; Thlarau chun iengkim a suisuok hlak si a; anih, Pathien thu inril khawm.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 4:30

Rinuma in uma, in chunga chuong thilhai po po chu a hung tlung pha chun a tâwp a tâwpa chun Lalpa in Pathien tieng chu ngha kîr nâwk in ta, a thu chu pawm tâng in tih.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 TIMOTHE 4:4

An na chu thutak tieng chun suksêt an ta, tienami thu tieng pêt tâng an tih.

JAKOB 3:15

Chu varna chu chung tienga inthawka hung thla chu a ni naw a, khawvêl le taksa châkna le khawhria inthawk a ni lem.

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

2 PETER 3:3

Hi hi hre hmasa unla, ni nuhnungahai chun nuisawtuhai chu, anni châkna anga umin, nuisaw pumin hung an ta,

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

JUDA 1:18

“Hun nuhnunga chun Pathien ngaisaknaw tieng anni châkna ang peia umin, nuisawtuhai la hung um an tih,” ti in kuoma an hrilziehai kha.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 16:14

Chuong chu khawhri thlarau, thilmak thaw hlakhai an nih. Anni chu Pathien Iengkimthawthei ni ropuia indonaa ṭhuoi khâwm dingin khawvêl po poa lalhai kuomah an fe a.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni si a; i dâwiin hnam po po hlêm an ni kha.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 2:11

Thlarauin kohranhai kuoma thu a hril hi na nei chun hre raw se. A hnetu taphawt chu thi hnina chun iengkhawm law naw ni, a tih,’ tiin.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

THUPUONGSUO 2:29

Thlarauin kohranhai kuoma thu a hril hi na nei chun hre raw se, a tih, tiin.

THUPUONGSUO 2:7

Thlarauin kohranhai kuoma thu a hril hi na nei chun hre raw se. A hnetu taphawt chu Pathien Paradisa Hringna Thinga chu infâktir ka tih,’ tiin.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.

THUPUONGSUO 20:8

hnuoi kil lia hnamhai, Gog le Magog chu, hlêma, indonaa ṭhuoi khâwm dingin fe suok a tih; chuonghai tamzie chu tuipuia phaiphin ang el an nih.

THUPUONGSUO 3:13

Thlarauin kohranhai kuoma thu a hril hi na nei chun hre raw se, a tih,’ tiin.

THUPUONGSUO 3:22

Thlarauin kohranhai kuoma thu a hril hi na nei chun hre raw se, a tih,” a ti a.

THUPUONGSUO 3:6

Thlarauin kohranhai kuoma thu a hril hi na nei chun hre raw se, a tih,’ tiin.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.