1 TIMOTHE 3:7 - Pathien Lekhabu Inthieng (BSI)

⁷ Chuong naw khawm chu, puotienga mihai inpâkin a um bawk ding a nih; chuong naw chun, hrilsieta umin diebol chângah âwk rawi a tih.

1 TIMOTHE 3:7 ပူးပေါင်းရင်းမြစ်များ

MARKA 4:11

Chun, ama chun an kuomah, “Pathien ram thurûk chu nangni hai hriet chu phal a na, puotienga mihai ta ding ruok chun iengkim tekhithua hril a nih;

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 22:12

“Chun, mi pakhat, Anania, Dân kawnga Pathien ngaisak le chutaka Juda umhai po po kuoma hming ṭha chu,

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 5:12

Puotienga mi chu keiin ka ngaituona ding iengam a um a?

2 KORINTH 6:3

Kan rawngbâwlna sin chu an dem nawna dingin ieng kawnga khawm tlûkphâna ding hrim hrim kan siem naw a;

2 KORINTH 8:21

Lalpa ngai chau ni lovin, mihriem ngai khawma thil mawi kan ngaituo bawk hlak a nih.

KOLOSSA 4:5

Remchângna inchaw peiin puotienga mihai lai chun vartakin um ro.

1 THESSALONIKA 4:12

Chuongchun, puo tienga mihai chungah mawitakin um thei in ta, iengkhawm tlasam naw ti niu.

1 THESSALONIKA 5:22

Suol anga inlang po poa inthawk chun insiekieng ro.

1 TIMOTHE 3:6

Ringthar a ni ding a ni naw a, chuong naw chun, chapoin um a ta, Diebol thiemnaw changna chu chang ve rawi a tih.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

TITA 2:5

lungril feltaka um ding dâm, inthiengtaka um ding dâm, mâni in sin thaw ding dâm, ngilneia um ding dâm le, mâni pasalhai thu thua um dinga ân thunun theina dingin infui rawh; Pathien thu chu hrilsieta a um nawna dingin.

TITA 2:8

i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.

3 JOHAN 1:12

Demetri chun mi po po inpâk a hlaw a, thutaka inpâk ngei a hlaw bawk a; anih, keini khawmin kan inpâk a nih; kan inpâkna hi ân dik a nih ti i hriet.

1 SAMUEL 2:24

Ni lo, ka naupasalhai, in chanchin ka lo hriet hi a ṭha naw tieng ruok a nih; Lalpa mihai chu in inbawsiettir a nih.