1 TIMOTHE 3:6 - Pathien Lekhabu Inthieng (BSI)

⁶ Ringthar a ni ding a ni naw a, chuong naw chun, chapoin um a ta, Diebol thiemnaw changna chu chang ve rawi a tih.

1 TIMOTHE 3:6 ပူးပေါင်းရင်းမြစ်များ

2 LALHAI 14:10

Nang hin Edom mihai chu i hne ngei luo a, i lungril a hung chapo tah a ni hi, i chapona kha intawmpui ṭawk ṭawk el rawh, nang le Juda ram puma sietna, i ta dinga thil ṭha naw ding iengdingin am i cho suok ding an leh,” tiin mi a tir ve a.

2 CHANCHIN SUINA 26:16

Nisienlakhawm, a hung hrât chun, a lungril a hung uong a, khawhlotakin a thaw ta a, a Pathien Lalpa chunga chun a bawsiet ta a; riminhnik rawna maichâm chunga riminhnik raw dingin Lalpa biek ina chun a fe ve ta a.

2 CHANCHIN SUINA 32:25

Nisienlakhawm, ama chunga ditsakna thaw ang huin Hezekia chun a ngaisak nâwk ta naw a; a lungril chu ân ngaisâng si a; chuleichun, ama chunga chun lunginsenna chu a um a, Jerusalem le Juda ram chunga khawm chun.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

DANIEL 11:12

Chun, mipui chu ṭhuoi hmang hung nîng an ta, ama chu a lungril chu hung inchawisâng a ta, sâng sâwm tamtak chu hung pei thlûng a ta, nisienlakhawm, hrât pha ngai naw ni.

LUKA 10:18

Chun, ama chun an kuomah, “Kâwlinlep angin Setan vâna inthaw- ka hung tla kha ka hmu annaw.

1 KORINTH 3:1

Chun, unauhai, Thlarau mi kuoma hril angin in kuomah thu ka hril thei naw a, tisa mihai kuoma hril angin ka hril lem kha; Kristaa nautêhai kuoma hril ang elin.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

DÂN PAHNINA 17:20

a lungril a unauhai chungah ân sie sâng nawna dingin le changtieng amanih, vawitieng amanih thupêk chu a pêtsan nawna ding le Israelhai lai chun ama le a thlahai a rama hin an dam sâwt phâna dingin.

DÂN PAHNINA 8:14

in lungril hung chapo a ta, suok in nina Aigupta rama inthawka ṭhuoi suoktu cheu Lalpa in Pathien chu theinghil hlau rawi in tih.

1 TIMOTHE 3:7

Chuong naw khawm chu, puotienga mihai inpâkin a um bawk ding a nih; chuong naw chun, hrilsieta umin diebol chângah âwk rawi a tih.

1 TIMOTHE 6:4

ama chu a chapo a, iengkhawm a hriet naw a, hriet nêk hmanin insêl le thu kal kawnga chun ân vêt ta lem a nih. Chuonga inthawk chun, inhnarna dâm, insuolna dâm, hrilsietna dâm, a ṭha naw tieng ringna dâm a hung suok a,

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.

JUDA 1:6

Chun, vântirkohai anni nîna pawm lova, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.