1 TIMOTHE 3:15 - Pathien Lekhabu Inthieng (BSI)

¹⁵ Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 3:15 ပူးပေါင်းရင်းမြစ်များ

1 LALHAI 2:2

“Leihnuoi po po dân angin ka fe ve ding a ni ta a, chuongchun, hrâttakin um la, patlingtakin um rawh,

1 LALHAI 2:4

Lalpain ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tia a hril kha a sukdet ding a nih.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

1 CHANCHIN SUINA 22:13

Israel chungthua Lalpain Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

INPÂKNA HLABU 84:2

Ka hringna hin Lalpa biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

JEREMIA 1:18

Ngai ta, vawisûn hin ram po po hmaah, Juda lalhai chunga le, chutaka rorêltuhai chunga le, thiempuhai chunga le, chu rama mipuihai po po chunga chun dârsen banghai, thîr sûtpuihai le khawpui kul neiah ka siem che hi.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 23:36

Chuongchun, Lalpa phurrik chu hril ta ngai naw ti niu a, mi tin ta dingin ama thu ngei chu a phurrik a ni ding leiin; Pathien hring thuhai chu in lo fe kawipui ta si a, ei Pathien sipaihai Lalpa thu chu.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 18:18

“Titakzetin ka hril cheu hi, hnuoi chunga iengkhawm in phuor taphawt chu vânah phuor nîng a tih; hnuoi chunga iengkhawm in sût taphawt chu vânah sût nîng a tih.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawltira a um lei a ni tak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:26

Chun, hieng hi hung nîng a ta, an kuoma, ‘Ka mihai in ni nawh,’ tia an umna hmun ngeia chun, Pathien hring nauhai inbûkin um an tih,” tia a hril ang ngei khan.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek ni lova, mihriem lungril phêkhaia ziek lem chu in nih, ti chiengtaka inlangtir a ni si a.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

2 KORINTH 6:7

Thutak thua dâm, Pathien thilthawtheinaa dâm, changtieng le vawitienga felna hriemhreihaiin,

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

GALATI 3:1

Aw, nangni Galati mi invêthai, tûin am a dâwi cheu a, in mithmu ngeiah Isu Krista chu hemdein chiengtaka inlangtir a ni vei leh?

EPHESI 4:21

a rawl chu in ngai ta a, ama inchûktirhai in ni angin Isua thutak um chu inchûktirin in um ta a.

DÂN PAHNINA 31:23

Lalpa chun, Nun naupa, Josua chu ân fui a, “Seltak le huoitakin um rawh khai, Israel mihai chu an kuomah inkhâma ka tiem rama chun i ṭhuoi lût ding a nih; chun, i kuomah um pei ka tih,” a ti a.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

KOLOSSA 1:5

vâna in ta dinga beiseina siepêka in um leiin a ni a; Chanchin Ṭha thutak thua in lo hriet ta lei khan a nih.

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 TIMOTHE 3:14

Sâwt nawtê hnunga i kuoma hung beiseiin hieng thu hi i kuomah ka ziek a nih.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 3:2

Chuongchun, kohran hotu chu sawisêlbo, nuhmei pakhat nei, insûm thei, lungril indiktak, mi fel, mi lâwm dân thiem, inchûktir dân thiem,

1 TIMOTHE 3:5

(miin mâni insûng khawsak hman a rêl fel thiem naw chun, Pathien kohran iengtin am enkawl a ta?)

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

2 TIMOTHE 2:20

Nisienlakhawm, in ropuia hin bûr le bêl rângkachak le tangkaruoa siem chau a um naw a, thing le bepila siem khawm a um hlak a; ṭhenkhathai ngaihlut ding a um bawk a, ṭhenkhathai chu ngaihlut naw ding a um bawk.

HEBRAIHAI 10:21

Chuongchun, Pathien sûnghai chunga Thiempu ropuitak ei nei leiin,

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?

THUPUONGSUO 7:2

Chun, vântirko dang, Pathien hring inchikna chawi, nisa suoknaa hang fe ka hmu bawk a; chun, ama chun vântirko pali, khawmuol le tuipui suksiet theina pêka umhai kuoma chun, rawl inringtakin,

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.