1 TIMOTHE 2:8 - Pathien Lekhabu Inthieng (BSI)

⁸ Chuongchun, pasalhaiin hmun tinah kut inthieng pharin, lunginsen lo le insêl lovin ṭawngṭai hai sienla ka nuom a nih.

1 TIMOTHE 2:8 ပူးပေါင်းရင်းမြစ်များ

1 LALHAI 3:11

Chun, Pathien chun a kuomah, “Nangin i ta dinga dam sâwtna hni lo a, hieng ang hi i hni lem leiin le, i ta dinga hausakna khawm hni lo a, i hmêlmahai thina ding khawm hni lo a, i ta dinga rorêl thiemna i hni leiin, ngai ta, i hni ang chun ka thaw ta a;

JOB LEKHABU (THE BOOK OF JOB) 16:17

Ka kutahai chun inrawmna a um naw a, Ka ṭawngṭaina chu ân thieng a.

INPÂKNA HLABU 134:2

In kuthai chu hmun inthieng tienga chun phar unla, Lalpa chu inpâk ro.

INPÂKNA HLABU 141:2

Ka ṭawngṭâina hi thil riminhniktak angin i hmaah suksuokin um sienla, Ka kut phar hi zântienga inthawina angin um raw se.

INPÂKNA HLABU 24:4

Kut fai le lungril inthieng neia, A lungril teplo mei mei tienga sie ngailo: Hlêm tuma inkhâm ngailo mi chu.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

INPÂKNA HLABU 28:2

Ka ko che a, ka kuthai hi i biekna hmun inthieng tieng ka phar chun, Lunginsiet ka hnina râwlhai hi lo ngai rawh.

INPÂKNA HLABU 35:13

Kei ruok chu, an damnaw lai chun ka silfên chu saiip a na, Ka hringna hi bu ngheiin ka suk rimsi si a; Lungse taka kûnin ka ṭawngṭai a,

INPÂKNA HLABU 63:4

Chuong ang chun ka dam sûng po po chun inpâk ka ti che a, I hmingin ka kuthai phar ka tih.

INPÂKNA HLABU 66:18

Ka lungrila suolna ka ngaisak chun, Lalpa chun mi ngaisak naw nih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

MATTHAI 21:21

Chun, Isûn an kuomah, “Titakzetin ka hril cheu hi, ringna in nei a, in ringhla naw chun, theichang chunga thaw ang chau hi thaw naw ti niu a, hi tlâng kuoma khawm hin, ‘Lo insawn la tuisuorietah lo inpei rawh,’ in ti chun, in ti ang chun lo um a tih.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suknawmnatuhai cheu chu ṭawngṭaipêk ro;

MATTHAI 6:12

Kan chunga thil suksuoltuhai kan ngaidam angin, Nang khawmin kan thil suksuolhai mi ngaidam la,

LUKA 23:34

Chun, Isûn, “Pa, anni hi ngai- dam rawh, an thilthaw hi an hriet naw a ni hi,” a ta. Chun, a silfênhai chu an insemin ṭhum an vâwr a.

LUKA 24:50

Chun, Bethani khaw kâwl chenin anni a ṭhuoi a; chun, a bân a phar a, mal a sâwmpêk a.

JOHAN 4:21

Chun, Isûn a kuomah, “Nuhmei, ka thu awi rawh, hi tlânga kher naw khawm, Jerusalema kher naw khawm, Pathien chibai in bûk hun a tlung ding a ni tah.

THILTHAWHAI 10:2

Pathien ngaisak mi a na, a sûnghai po po leh Pathien an ṭi hlak a; mihai kuomah thil tamtak a pêk hlak a, Pathien kuoma khawm an ṭawngṭai rawp a.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

THILTHAWHAI 21:5

Nisienlakhawm, chuong ni zoa chun kan suok a, kan fe ta a, unauhai chun an rêngin, an nuhmei an nauhai leh khaw kâwl chenin an mi vân thla a; chun, tuipui panga chun kan dingṭhaṭhuon a, kan ṭawngṭai a.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil ta a. Saula khawm chun a thi chu a remti a.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 7:7

Nisienlakhawm, mi po po keia angtak hin um vawng hai sien ka nuom a nih. Amiruokchu, mi tinin Pathien kuoma inthawkin thilpêk mâni hmu zâwng an nei seng a nih; pakhatin kawng dangin, a dangin kawng dangin.

2 KORINTH 2:14

Nisienlakhawm, Kristaa hnênaa mi ṭhuoi rawptu le keini hmanga hmun tina ama hrietna rim inhriettirtu Pathien kuoma chun lâwmthu um raw se.

PHILIPPI 1:12

Unauhai, ka chunga thil hung tlunghai kha Chanchin Ṭha sukdarna ding a hung ni ta lem hlau ti in hriet ka nuom a nih.

1 THESSALONIKA 1:8

Lalpa thu chu nangnia inthawkin ân thang suok ta si a; Makedonia le Akaia rama chau ni lovin, hmun tina khan Pathien tienga in ringzie chu ân thang ta a; chuongchun, keinîn iengkhawm hril hrim a ngai ta nawh.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawimawi pumin in nuhmeihai kuomah um ro, in ṭawngṭainahai hluoa a um nâwna dingin.