1 TIMOTHE 2:6 - Pathien Lekhabu Inthieng (BSI)

⁶ mi po po intlanna dinga inpe chu a nih; chu chu a hun tak peia inhriettirin a um ding a nih;

1 TIMOTHE 2:6 ပူးပေါင်းရင်းမြစ်များ

JOB LEKHABU (THE BOOK OF JOB) 33:24

Ama chun a chunga chun zângaiin, ‘Khur sûnga fenaa inthawkin ama chu sanhim ro, Intlanna ka hmu suok ta a.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

NAMBAR 7:15

pumrawhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

MARKA 1:15

“Hun chu a hung tlung ta a, Pathien ram khawm a hung hnai ta a, sim unla Chanchin ṭha hi ring ro,” a ti pei a.

MARKA 10:45

Mihriem Naupa meu khawm rawngbâwlpêka um dinga hung a ni naw a, mi tamtak intlanna dinga a hringna pe ding lema hung a ni si a,” a ta.

JOHAN 10:15

Pain a mi hriet a, kei khawmin Pa ka hriet ang hin; chun, berâmhai ta ding chun ka hringna ka pêk.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai lekhathuin hnam tin kuomah inhriettir a ni ta a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:6

Ei la hrât naw lai khan a hun takah Krista chu mi suolhai ai chun a lo thi ta si a.

1 KORINTH 1:6

chuongchun, Krista thu inhriettira um kha nangnia sukdetin a um kha;

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 4:4

Nisienlakhawm, a hunbi a hung kim khan, Pathienin a Naupa, nuhmei inei, Dân hnuoia hung piengin, a tir suok ta a,

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 3:5

Chu chu tulaia a tirko inthienghai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

1 TIMOTHE 6:15

Chu inlârna chu a hun taka chun inpâktlâk thuneitu tak chau, laltakhai laltak, lalhai lal chun inentir a ti che.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

TITA 1:3

nisienlakhawm, ama hun takahai chun a thu chu thuinchaa chun a suklang ta a, chu thuincha chu Pathien ei Sandamtu thupêk ang peia inkawltir ka nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni lovin, ama thisen lem leiin, Hmun Inthienga chun vawikhatah a lût thleng ta nghâl a.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 JOHAN 4:10

Hitaka hin hmangaina a um, einin Pathien ei hmangai ka ti a ni naw a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,