1 TIMOTHE 1:5 - Pathien Lekhabu Inthieng (BSI)

⁵ Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 TIMOTHE 1:5 ပူးပေါင်းရင်းမြစ်များ

INPÂKNA HLABU 24:4

Kut fai le lungril inthieng neia, A lungril teplo mei mei tienga sie ngailo: Hlêm tuma inkhâm ngailo mi chu.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

ZEPHANIA 3:7

Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

MATTHAI 5:8

“Lungrila inthienghai chu an hamṭha; Pathien an la hmu ding a ni si a.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:4

Krista chu ama ringhai po ta dingin felna an hmu theina dinga Dân suktâwpna a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang lovin ni raw se. Suol tieng chu theida unla, ṭha tieng chu pawm tlat ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:15

I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:1

Kristaa chun thu taktak ka hril a nih, khêl ka hril nawh, Thlarau Inthieng zâra chun,a ka sie le ṭha hrietna khawmin a mi hrietpui a,

1 KORINTH 13:1

Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

DÂN PAHNINA 10:12

“Khai le, Israel mihai, nangnia inthawka Lalpa in Pathienin a phût chu ieng dang khawm a ni naw a, in ṭhatna dinga Lalpa in Pathien in ṭi a, a lampui po po chu hraw a, ama hmangai a, in lungril po po le in lungvar po poa Lalpa in Pathien rawng bâwl a,

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

1 TIMOTHE 1:19

ringna le sie le ṭha hrietna inthiengtak pawm tlatin. Mi ṭhenkhathaiin chuong chu pei thlain, ringna kawnga chun lawngkawi angin an kawi se ta a.

1 TIMOTHE 3:9

sie le ṭha hrietna inthienga ringna thurûk chu pawm mi an ni lem ding a nih.

2 TIMOTHE 1:3

A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

2 TIMOTHE 1:5

Ringna tak tak nangmaa um chu ka hriet zing si a, chu ringna chu a tîrin i pi Loisiah a um a, i nu Eunikiah a um bawk a, nangmaa khawm a um ti indiktakin ka hriet.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

TITA 1:15

Mi inthienghai ta ding chun iengkim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 13:18

Kan ta dingin mi ṭawngṭaipêk ro, iengkimah feltaka um tumin, sie le ṭha hrietna inthiengtak kan nei ti indiktakin kan inhriet si a.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 PETER 4:8

Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

2 PETER 1:7

in Pathien ngaisaknaa chun unau laka ngilneina, in unau laka ngilneina chun hmangaina inṭhangtir ro.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.

1 JOHAN 3:23

A thupêk chu hi a nih, a Naupa Isu Krista hming awi inla, amain thu a mi pêk angin inhmangai tuo bawk inla.

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.