1 TIMOTHE 1:2 - Pathien Lekhabu Inthieng (BSI)

² Ringnaa ka nau taktak Timothe kuomah: Pathien ei Pa le, ei Lalpa Isu Krista kuoma inthawka lunginsietna dâm, zângaina dâm, inremna dâm hung um raw se.

1 TIMOTHE 1:2 ပူးပေါင်းရင်းမြစ်များ

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se..

GALATI 1:3

Pa Pathien le ei Lalpa Isu Krista kuoma inthawkin lunginsietna le inremna in kuomah um raw se:

1 THESSALONIKA 3:2

Timothe ei unaupa, Krista Chanchin Ṭha tienga Pathien rawngbâwltu hi sukdet ding cheu le in ringna kawnga thlamuon ding cheuin kan hung tir a nih;

1 TIMOTHE 1:12

A mi sukhrâttu Krista Isu ei Lalpa kuoma chun lâwmthu ka hril a nih; ringumah a mi ngai a, a rawngbâwltuah a mi ruot ta leiin.

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.

2 TIMOTHE 1:2

Ka nau dittak Timothe kuomah, Pathien ei Pa le Krista Isu ei Lalpa kuoma inthawka lunginsietna dâm, zângaina dâm, inremna dâm um raw se.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

TITA 2:2

Putarhai chu insûm thei, inzâum, lungril feltak; ringna le hmangaina le selnaa indiktak ni dingin infui rawh.

TITA 3:15

Ka kuoma um po pohai hin chibai an bûk che. Ringnaa mi hmangaituhai kha chibai mi hung bûkpêk rawh. In rênga kuomah lunginsietna um raw se.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.

2 JOHAN 1:3

Pa Pathien le Pa Naupa Isu Krista kuoma inthawkin, lunginsietna dâm, zângaina dâm, inremna dâm chu, thutak le hmangainain ei kuomah um a tih.

3 JOHAN 1:4

Ka nauhai thutakah an um ti ka hriet nêka lâwmna nasa lem hrim ka nei nawh.

JUDA 1:2

Lunginsietna dâm, inremna dâm, hmangaina dâm, in chunga sukpungin um raw se.