1 TIMOTHE 1:19 - Pathien Lekhabu Inthieng (BSI)

¹⁹ ringna le sie le ṭha hrietna inthiengtak pawm tlatin. Mi ṭhenkhathaiin chuong chu pei thlain, ringna kawnga chun lawngkawi angin an kawi se ta a.

1 TIMOTHE 1:19 ပူးပေါင်းရင်းမြစ်များ

MATTHAI 6:27

Chun, nangni lai tuin am lung- kham leiin mâni dung tieng tawng khata suksâng chuong thei cheu?

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 TIMOTHE 3:9

sie le ṭha hrietna inthienga ringna thurûk chu pawm mi an ni lem ding a nih.

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

1 TIMOTHE 6:21

Chu chu ṭhenkhathaiin nei amanih insâwnin, ringna chu an fe kawisan ta a. Lunginsietna in kuomah um raw se.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

2 TIMOTHE 2:18

Chuong mihai chun, “Thonâwkna chu tu khawm hin a ni dai tah,” tiin, thutak kawng chu an fe kâwisan a, mi ṭhenkhathai ringna an sukbo hlak.

2 TIMOTHE 4:4

An na chu thutak tieng chun suksêt an ta, tienami thu tieng pêt tâng an tih.

TITA 1:9

Inchûktirna indik tak kawnga chun mi ân fui theina ding le, sêltuhai chu thiemnaw ân changtir theina dingin inchûktirna ang pei thu ringum chu pawm tlat mi a ni bawk ding a nih.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawtkhâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.