1 TIMOTHE 1:10 - Pathien Lekhabu Inthieng (BSI)

¹⁰ indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni lova thil dang hrim;

1 TIMOTHE 1:10 ပူးပေါင်းရင်းမြစ်များ

INṬANNA 19:5

chun, Lota chu an ko a, a kuomah, “Vawizâna i kuoma mi hung lûthai kha khawlai am an um a? Anni kan pâwl theina dingin kan kuomah hung ṭhuoi suok rawh,” an ti a.

INṬANNA 37:27

Thaw ro, a chungah kut thlâk lovin Ismael mihai kuoma sawn zawr el lem ei tiu; ama hi ei sang, ei tisa ngei a ni si a,” a ti a. A unauhai chun a thu chu an zâwm ta a.

INṬANNA 40:15

Hebrai mihai rama inthawka miin ân rûka an mîn rûk hmang ka ni a, hi rama khawm hin rip sûnga an mi khumna khawp iengkhawm ka suksuol nawh,” a ti a.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

FESUOKNA 21:16

“Tukhawm mihriem inru chu, a zawr khawmin, amain a umpui a ni khawmin, ama chu sukhlum ngei ding a nih.

HOSEA 10:4

Thuthlung an siemna tienga chun khêla inkhâmin. Thu teplo an hril a; Chuleiin, leilet changkuong thlûra hlo tûr nei ang elin Inkhingna a hung inder suok a nih.

LEVI DÂN 18:22

Nuhmei angin pasal hrim hrim i pâwl ding a ni nawh, thil tirdakum a nih.

LEVI DÂN 20:13

Mîn nuhmei a zâlpui anga pasal a zâlpui chun, thil tirdakum an thaw ve ve a na, sukhlum ngei ding an nih, an thisen maw chu an chunga um a nih.

ZEKARIA 5:4

Chun, sipaihai Lalpa chun, “Infe suoktir ka ta, inru ina chun lût a ta, ka hminga khêla inkhâmtu ina le chun: chuongchun, a in sûnga chun chêng a ta, chun, chutaka a lunghai le a thinghai le chun kâng hmang a tih,” a ta.

ZEKARIA 8:17

nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai Lalpa chun a tih,” tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:26

Chuleichun, Pathienin inzakumtaka hur phalin a nghatsan a; an nuhmeihai rau khawma an um dân insiengpui chu dân naw anga um dingin an insuk danglam si a;

DÂN PAHNINA 24:7

“Tukhawm Israel mi, a unauhai laia mi inru a, sal sawisaka sawisa amanih, a zawra zawr amanih hriet suok a ni chun, chu inrupa chu sukhlum ding a nih; chuong ang chun nangni laia inthawkin chu thil ṭha naw chu in sukbo ding a nih.

1 TIMOTHE 4:6

Chuonghai chu unauhai în hriettir chun, Krista Isu rawngbâwltu ṭhatak nîng i tih, ringna le inchûktirna ṭha tu chena i la zâwm thuah châwm i ni ang khan.

1 TIMOTHE 6:3

Mi tûkhawmin inchûktirna dang ân chûktir a, thutak (Ei Lalpa Isu Krista thu) le, Pathien ngaisakna inchûktirna tieng a awi naw chun,

2 TIMOTHE 1:13

Krista Isua um, ringna le hmangaina neiin thu indik dân ka bâua i hriethai kha nei tlat rawh.

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

TITA 1:13

Chu thu inhriettir chu ân dik a nih. Chuleiin, ringnaa chun an indik theina dingin natakin kâwk rawh.

TITA 1:9

Inchûktirna indik tak kawnga chun mi ân fui theina ding le, sêltuhai chu thiemnaw ân changtir theina dingin inchûktirna ang pei thu ringum chu pawm tlat mi a ni bawk ding a nih.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 18:13

thingzungthak dâm, thil riminhnik dâm, riminhnik rawmi dâm, innâlna chi dâm, murra dâm, beraw dâm, uoin dâm, sahriek dâm, beiphit indi tak dâm, bu dâm, sebâwng dâm, berâm dâm leh; sakawr dâm, tawlailîr dâm, suok dâm leh; mihriem hringna dâm leh a nih.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.