1 THESSALONIKA 5:3 - Pathien Lekhabu Inthieng (BSI)

³ “Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.

1 THESSALONIKA 5:3 ပူးပေါင်းရင်းမြစ်များ

JOB LEKHABU (THE BOOK OF JOB) 15:21

Inlâuna rihai chu a naa chun a châm a; A tluongtlung laiin suksetu chu a chungah hung tlung a tih.

JOB LEKHABU (THE BOOK OF JOB) 24:23

Hima um dingin Pathien chun anni a pêk a, chutaka chun an sâwldam hlak, Chun, a mithai khawm chu an lampuihaia chun a um zing hlak.

INPÂKNA HLABU 35:8

Ân ringnaw kârin sietna a chungah tlung sienla; A lên pha rûka khan ama ngei âwk bawk sienla: Chutaka chun tla se dêr raw se.

INPÂKNA HLABU 48:6

Chutaka chun inthinnain a man a, Nuhmei nau invawi natna angin a man bawk a.

INPÂKNA HLABU 55:15

Thina an chungah hung tlung thut sienla, Khur sûnga chun a hringin fe thla raw hai se; Rîtlonahai chu an umnaa le an sûngahai an um si a.

INPÂKNA HLABU 69:22

An hmaa an dawkân chu châng lo ni sienla, Lungmuongtaka an um laiin bil lo ni raw se.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

ISAI 20:6

Chuongchun, chu nia chun tuipui panga umhai hin, ‘En ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta si a, eini hi iengtin am tlân suok ei ta?’ la tîng an tih,” a ta.

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr lovin um thut a tih.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr lovah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 22:23

Aw Lebanon hluotu, sidar thinghaia bu septu, nuhmei nauhase nat anga natna, i chunga tuornahai a hung tlung pha chun lungsiet i va um âwm de!

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

JEREMIA 8:11

Chun, thlamuongna ding a um naw sain, “Thlamuongna, thlamuongna,” tiin, ka chipui naunu insuknatna chu an sukdam met chau a.

EZEKIEL 13:10

‘Inremna,’ tiin ka mihai chu an ṭhuoi suol a; inremna chu a um naw a, chun, miin bang a siem lai chun, ngai ta, chirhak inhnâk lovin an bel a;

HOSEA 13:13

Nuhmei nauha invawi lungngaina ang chu a chungah hung tlung a tih, Ama chu naupa varna nei lo a nih, A huntakah nau hung suokna hmunah a um si nawh.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

THILTHAWHAI 13:41

‘Hmusittuhai en ta u, Makti unla, bohmang ro; In dam sûng hin thil kawng khat ka thaw hi, Chu thil chu miin hril hai sienla cheu khawm, Awi tawp naw ti niu,’ a ti kha,” a ta.

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bohmangna chu;

HEBRAIHAI 12:23

nau lutîr vâna hming chuong kohran kuom dâm, Pathien, mi po po ngaituotu kuom dâm, mi fel sukṭhat famkimhai thlarau kuom dâm,

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.

RORELTUHAI 8:11

Chun, Gideon chu Noba le Jogbeha saktienga puon ina umhai lampuia chun a hang fe a, sipaihai chu a hang thaw a, sipaihai chu lungmuongtakin an lo um si a.