1 THESSALONIKA 5:2 - Pathien Lekhabu Inthieng (BSI)

² Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

1 THESSALONIKA 5:2 ပူးပေါင်းရင်းမြစ်များ

JEREMIA 23:20

Thawa a um hmakhat chun Lalpa lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

MATTHAI 25:13

Chuongchun, ngaiven ro, a ni le a hun chu in hriet si naw a.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 THESSALONIKA 5:4

Nisienlakhawm, unauhai, nangni ruok chu, chu Ni chun inru anga a nangna ding cheuin inthimah in um nawh.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekhathawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

JOSUA 11:7

Chuongchun, Josua le râlkâp mihai po po chu Merom tuiahai chun an vân thawk ta phut el a, an baw ta a.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.