1 THESSALONIKA 4:4 - Pathien Lekhabu Inthieng (BSI)

⁴ inthieng le chawimawiin mâni bêl vawng thiem seng ro.

1 THESSALONIKA 4:4 ပူးပေါင်းရင်းမြစ်များ

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:24

Chuleichun, an taksa inzakumtaka insiem tuo dingin an lungril inhâwk anga pawrchêtaka um phalin Pathienin a nghatsan ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

1 KORINTH 6:15

In taksahai chu Krista pênghai a nih ti in hriet naw am a nih? Krista pênghai chu lâkpêkin nawchizawr pênghaiah ka siem ding am a nih? Teu lo e!

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

1 KORINTH 7:9

Insûm theina an nei naw chun innei el raw hai se, hur nêkin innei a ṭha lem si a.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

1 PETER 3:7

Nangni pasalhai, chuong ang bawkin, nuhmei hi bêl kawi awl lem an ni lei le, lunginsietna hringna chu changpuitu an ni hre zingin, chawimawi pumin in nuhmeihai kuomah um ro, in ṭawngṭainahai hluoa a um nâwna dingin.

1 SAMUEL 21:5

Chun, David chun thiempu chu a dawn a, a kuomah, “Tuta ni thum sûng hin chu nuhmeia inthawk hrim hrim chu kan insiekieng vawng a nih, ka hung suok ding lai khawm khan tlangvâlhai bûrlebêl chu ân thieng a nih, invâk satlie el kan ni nâka chu; vawisûn lem chu chu an bûrlebêlhai chu a vân thieng nâwkzuol awm de e!” a ta.