1 THESSALONIKA 3:3 - Pathien Lekhabu Inthieng (BSI)

³ hieng rinum tuorna lei hin tûkhawm an inhnîng nawna dingin; hienghai hi tuor dinga ruot kan nih ti nangni ngeiin in hriet si a.

1 THESSALONIKA 3:3 ပူးပေါင်းရင်းမြစ်များ

JOB LEKHABU (THE BOOK OF JOB) 23:14

Thil keia ta dinga ruothai chu a thaw si a, Chuong ang thil tamtak chu ama kuomah a um a nih.

INPÂKNA HLABU 112:6

Iengtika khawm ân hnîng âwm si naw a, Mi fel chu kumkhuoa hriet zingin um a tih.

LUKA 21:12

Nisienlakhawm, chuong po po tlung hma chun, man an ti cheu a, inkhâwmna ina mihai le intângna ina mihai kuoma ṭhuoiin suknawmnâng an ti cheu, keia hmingin lalhai le hotuhai hmaah ṭhuoi an ti cheu.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

THILTHAWHAI 2:25

Chun, David chun ama thu chu a hril a, ‘Ka hmaah kumkhuoin Lalpa chu ka hmu hlak, Kân hnîng nawna dingin ka changtieng a um a nih;

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:3

Chu chau chu ni lovin, ei rimsiknaa khawm lâwmin ei um a nih, rimsikna chun selna a siem a,

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

1 KORINTH 4:9

Pathienin keini tirkohai hi thi dinga ruot tasa angin a nuhnungtakah a mi târsuok angah ka ngai a nih; khawvêl le vântirkohai le mihriemhai mithmuah ennuoma siemin kan um hi.

EPHESI 3:13

Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

PHILIPPI 1:28

Ieng kawnga khawm dotuhai sukṭitin in um naw a, chu chu anni ta ding chun bohmang ding an nih ti inhriettirna fietak a nih, nangni ta ding ruok chun sandam ding in nih ti inhriettirna fietak a ni lem a; chu khawm chu Pathiena inthawk a nih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

1 THESSALONIKA 5:9

Pathienin lunginsenna tuor ding ni lovin, ei Lalpa Isu Krista zâra sandamna hmu ding lema a mi ruot a ni si a.

2 THESSALONIKA 1:4

Chuongchun, suknawmnatna le rimsikna in tuornahai po poa in selna le in ringna hai lei khan, keini ngeiin Pathien kohranhai lai kan suong hlak cheu a nih.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

1 PETER 2:21

Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.