1 THESSALONIKA 2:4 - Pathien Lekhabu Inthieng (BSI)

⁴ Chanchin Ṭha inkawltira um dingin Pathien ṭha tizâwng mi kan ni ang ngeiin, mihriem suklâwm ding ang ni lovin, kan lungril fietu Pathien suklâwm lemin thu kan hril lem hlak a nih.

1 THESSALONIKA 2:4 ပူးပေါင်းရင်းမြစ်များ

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

2 LALHAI 16:16

Chuongchun, thiempu Urija chun lal Ahaz thupêk ang po po chun a thaw ta a.

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

INPÂKNA HLABU 139:23

Aw Pathien, nguntakin mi en suok la, ka lungril hi hre rawh, Mi fie la, ka ngaituonahai hi hre rawh.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

THUVARHAI 17:3

Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

NAMBAR 27:16

“Lalpa, tisa po po thlarauhai Pathien chun pungkhâwmhai chunga chun hotu ruot sienla,

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

LUKA 16:11

Sum tehlêm chunga hman ring in um naw chun, tûin am sum tak chu inkawltir a ti cheu a?

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:27

Chun, Pathien dit zâwng ang peiin mi inthienghai chu a ṭawngṭai pêk hlak leiin, lungrilhai entu chun Thlarau dit zâwng chu a hriet hlak a nih.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei naw a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

1 KORINTH 9:17

Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 5:16

Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

GALATI 2:7

chuong nêk hmanin Sertanhai Chanchin Ṭha Peter kuoma inkawltira a um angin, Sertannawhai Chanchin Ṭha ka kuomah inkawltirin a um ti an hriet a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

EPHESI 6:6

Mihriem suklâwmtuhai ang ela mit rawng bâwl lovin, Krista suok anga lungrila Pathien ditzâwng thaw lemin,

KOLOSSA 3:22

Suokhai, taksaa in hotuhai thu hi iengkimah zâwm ro; mihriem suklâwmtuhai ang ela mit rawng bâwl lovin, lungril hmunkhat puta Lalpa ṭi dêk pumin zâwm lem ro.

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.

2 TIMOTHE 1:14

Thil ṭha i kuoma inkawltira um kha, ei sûnga Thlarau Inthieng um hin vawng ṭha rawh.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

TITA 1:3

nisienlakhawm, ama hun takahai chun a thu chu thuinchaa chun a suklang ta a, chu thuincha chu Pathien ei Sandamtu thupêk ang peia inkawltir ka nih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.