1 THESSALONIKA 1:9 - Pathien Lekhabu Inthieng (BSI)

⁹ Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 THESSALONIKA 1:9 ပူးပေါင်းရင်းမြစ်များ

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

1 KORINTH 12:2

Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 THESSALONIKA 2:1

Unauhai, nangni laia kan hung lûtna kha a lo thlâwn nawh ti nangni ngeiin in hriet si a;

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

ISAI 37:17

Aw Lalpa, i na hung sit la, ngai ta; aw Lalpa, i mit meng la, en ta; Pathien hring hi hrilse dinga mihai tirtu Sennakerib thuhai po po hi ngai ta.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

INPÂKNA HLABU 84:2

Ka hringna hin Lalpa biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

THUPUONGSUO 17:2

Hnuoia lalhai chun ama chu an dit hlak a, hnuoia umhai khawm chu a mi dit chîngna uoin chun vai ruiin an um hlak,” a ta.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:26

Chun, hieng hi hung nîng a ta, an kuoma, ‘Ka mihai in ni nawh,’ tia an umna hmun ngeia chun, Pathien hring nauhai inbûkin um an tih,” tia a hril ang ngei khan.

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

1 JOHAN 5:21

Nauhai, milima inthawkin in siekieng ro.