1 THESSALONIKA 1:3 - Pathien Lekhabu Inthieng (BSI)

³ Ei Pathien le Pa hmaa ringna leia in sin thawzie dâm, hmangaina leia in sin inrimzie dâm, ei Lalpa Isu Krista beisei leia in selzie dâm kha theinghil lova hre zingin.

1 THESSALONIKA 1:3 ပူးပေါင်းရင်းမြစ်များ

INṬANNA 29:20

Jakob chun Rakil nei ding chun kum sari chu rawng a bâwl ta a, nisienlakhawm, Rakil chu a hmangai êm leiin ni sâwt nawte ang chauin a hriet a.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

HLAHAI HLA 8:7

Tui tamtakin hmangaina chu a sukre thei naw a, Tuilien khawmin a chîm hmang thei nawh. Mîn a ina thuomhnaw po po chu hmangaina ta dingin pe sien khawm, Hmusit let dêr nîng a tih.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuorsel unla, ṭawngṭaina kawnga chun ṭawngṭai fan fan ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai taphawt chu eini inchûktirna dinga ziek an ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai lekhathuin hnam tin kuomah inhriettir a ni ta a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:6

Mari in ta dinga inrimnu kha, chibai mi bûkpêk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:7

thil ṭha thaw fan fana, ropuina le chawimawina le bohmang thei nawna zawngtuhai kuoma chun kumkhuoa hringna pêng a tih.

1 KORINTH 13:13

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

1 THESSALONIKA 3:6

Nisienlakhawm, Timothe chu in kuoma inthawka tuta kan kuoma a hung tlung hin, hmu cheu kan inhâwk ang bawkin, mi hmu inhâwk bêk bêkin ngainatakin in mi hriet zing ti thu le, in ringna le in hmangaina chanchin lâwmum tak a mi hâwn a.

2 THESSALONIKA 1:11

Chuong anga chawimawi le makti a ni theina dingin, ei Pathienin a kona cheua chun ko tlâk nia a ruot theina ding cheu le, ṭhat nuomna tinrênga le ringna sinthaw tinrênga thilthawtheinaa ân hlawtlingtir theina ding cheuin kan ṭawngṭaipêk rawp cheu a ni hi.

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

1 TIMOTHE 2:3

Chu chu a mi Sandamtu Pathien ngaiin a ṭhain lâwm tlâk a nih;

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.

HEBRAIHAI 11:17

Ringnain Abraham chu fiea a um khan Isak ân hlân a; anih, thutiemhai lâwmtaka changtu chun, a naupa khât nei sun chu ân hlân a,

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

HEBRAIHAI 6:15

Chuongchun, seltaka a tuor suok hnungin thiltiem chu a hmu ta ngei a.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.

1 JOHAN 3:18

Nauhai, thu chauin inhmangai nâwm ei niu, lei chauin inhmangai naw bawk ei tiu; thilthaw le titakzetin ni lem raw se.

1 JOHAN 3:21

Dittakhai, ei lungrilin thiemnaw a mîn changtir naw chun, Pathien tieng ei huoi a nih,

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si naw a.

THUPUONGSUO 2:19

I thilthawzie dâm, i hmangaizie dâm, i awizie dâm, i rawngbâwlzie dâm, i selzie dâm ka hriet, i thilthaw nuhnungtakhai chu a tîr nêk khan a nasa lem ti ka hriet bawk.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.