1 SAMUEL 8:5 - Pathien Lekhabu Inthieng (BSI)

⁵ a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si naw a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.

1 SAMUEL 8:5 ပူးပေါင်းရင်းမြစ်များ

NAMBAR 23:9

Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu si a, Tlânga inthawk dâmin anni chu ka hmu a; Ngai ta, hnam a tuma um det sa a nih, Hnam danghai le angkhata inngai ngai lo.

THILTHAWHAI 13:21

Chun, chu hnunga chun lal an hni a; chuongchun, Pathienin Saula, Kis naupa, Benjamin chia mi kha an kuomah a pêk a, kum sâwmli sûnga dingin.

RORELTUHAI 8:22

Chuongchun, Israel mihai chun Gideon kuomah, “Nangin kan chungah ro rêl ta raw khai, nang le i naupasalhai le i naupasalhai nauhai chen khawmin; nangin Midianhai kuta inthawk hin i mi sansuok ta si a,” an ti a.

1 SAMUEL 10:19

Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit naw a, a kuomah, A ni nawh, lal mi siempêk rawh’ in ti a. Chuleiin, tuhin a hnama hnam le a chia chiin Lalpa hmaah hung inlang ro,” a ta.

1 SAMUEL 12:13

Chuleiin, in lal thlang le hni chu en ta u, Lalpa chun lal a siempêk ta cheu a ni hi.

1 SAMUEL 12:17

Vawisûn hin bu an sîk a ni naw am a nih? Vân inrûmtir ding le ruo insûrtir dingin Lalpa chu ko ka ta; chuongchun, lal in hni thua hin Lalpa mithmua thil in thaw suol hi a nasatzie hi hrein hmûng in tih,” a ta.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok ta a; chun, ngai ta u, ka naupasalhai chu nangni lai an um a, ka tleirâwla inthawkin tuchen hin ka keihruoi cheu a.

1 SAMUEL 9:20

I sabengtung ni thum inhmang tahai chu lungkham naw rawh, an hmu tah. Israelhai laia ropuina po po chu tu ta ding am a na? I ta ding le i pa ina mi po pohai ta ding a ni naw am a nih?” a ta.