1 SAMUEL 8:20 - Pathien Lekhabu Inthieng (BSI)

²⁰ chuongchun, hnam dang po pohai ang hung nîng kan ta, chun, kan lal chun ro mi rêlpêk a ta, kan hmahai chu ṭhuoiin râlhai mi dopui a tih,” an ta.

1 SAMUEL 8:20 ပူးပေါင်းရင်းမြစ်များ

INPÂKNA HLABU 106:35

Hnam tin chu an pâwl a, An thilthawhai chu an inchûk lem a.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭhea kan umna chu keini le i fe ve zingnaa chun a ni naw ding am a nih?” a ti a.

NAMBAR 23:9

Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu si a, Tlânga inthawk dâmin anni chu ka hmu a; Ngai ta, hnam a tuma um det sa a nih, Hnam danghai le angkhata inngai ngai lo.

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si naw a, khawvêla inthawka ka thlang suok lem cheu leiin, khawvêlin a theida cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuorsel unla, ṭawngṭaina kawnga chun ṭawngṭai fan fan ro.

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 SAMUEL 12:12

Chun, Ammon thlahai lal Nahas chu nangni do dingin a hung ti in hriet phingleh ka kuomah, ‘A ni nawh ie, lalin ro mi rêlpêk raw se,’ in ti a, Lalpa Pathien chu in lal a ni zing si a.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok ta a; chun, ngai ta u, ka naupasalhai chu nangni lai an um a, ka tleirâwla inthawkin tuchen hin ka keihruoi cheu a.

1 SAMUEL 8:5

a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si naw a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.