1 SAMUEL 7:12 - Pathien Lekhabu Inthieng (BSI)

¹² Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.

1 SAMUEL 7:12 ပူးပေါင်းရင်းမြစ်များ

INṬANNA 22:14

Chuongchun, Abrahamin chu hmun hminga chun “Lalpain ngaituong a tih” ti ân bûk a; vawisûn chena “Lalpa tlânga chun ngaituo nîng a tih,” an ti hlak ang hin.

INṬANNA 35:14

Chun, a biekna hmuna chun Jakobin ban (lung ban) a phun a, a chunga chun thilinhlân dâwn mi a buok a, a chungah sahriek a buok bawk a.

INPÂKNA HLABU 71:17

Aw Pathien, ka naupangtea inthawk nangin i mîn chûktir a, Tu chen hin i thilmak thawhai chu kân hriettir hlak.

INPÂKNA HLABU 71:6

Ka nu phîngsûnga inthawk hrimin nangma keihruoiin ka um hlak a, Ka nu phînga inthawka mi la suoktu i nih; Nang i nih kân pâk rawp ding che chu.

FESUOKNA 17:15

Chun, Mosie chun maichâm a siem a, a hminga chun “Jehova- Nissi” ân bûk a;

ISAI 19:19

Chu nia chun Aigupta ram laia chun Lalpa ta dingin maichâm um a ta, a ramria chun Lalpa ta dingin lungphun um a tih.

THILTHAWHAI 26:22

Nisienlakhawm, Pathiena inthawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril lovin;

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

JOSUA 4:9

Chun, thuthlungna bâwm zâwntu thiempuhai ngîrna lai tak, Jordan vadung lailunga chun Josua chun lung sâwmpahni a phun a, chuong chu tu chen hin a la um zing a nih.

1 SAMUEL 14:35

Chun, Saula chun Lalpa ta dingin mâichâm a siem a, chu chu Lalpa ta dinga mâichâm siem hmasa tak a nih.

1 SAMUEL 4:1

Chun, Samuel thu chu Israel mi po po lai chun ân thang suok ta a. Chun, Israel mihai chu Philistin mihai do dingin an fe suok a, Ebenezer kâwlah ṭhanghmun an khuor a; Philistin mihai ruok chun Aphekah ṭhanghmun an khuor a.

1 SAMUEL 5:1

Chuongchun, Philistin mihai chun Pathien bâwm chu an lâk a, Ebenezera inthawk chun Asdod khuoah an fepui ta a.

1 SAMUEL 7:11

Chun, Israel mihai chu Mizpaa inthawk chun an suok a, Philistin mihai chu an hnawt a, Beth-kar hnuoi an tlung chenin an that pei a.