1 SAMUEL 6:5 - Pathien Lekhabu Inthieng (BSI)

⁵ Chuleiin, in pânsie limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.

1 SAMUEL 6:5 ပူးပေါင်းရင်းမြစ်များ

1 CHANCHIN SUINA 16:28

Mi tina chi tinrênghai, Lalpa kuomah pe unla, Lalpa kuoma chun ropuina le hrâtna pe ro.

1 CHANCHIN SUINA 16:29

Lalpa kuomah a hming ropui chu pe unla, Thil inhlân ding chawiin, a hmaah hung ro. Aw, inthieng mawina inbelin Lalpa chu chibai bûk ro.

INPÂKNA HLABU 18:44

Ka chanchin an hriet phingleh ka thu awi an ta, Hmêlmak mihai chu ka kuomah intuklût an tih.

INPÂKNA HLABU 32:4

A sûn a zânin i kutin a mi del si a; Ka taksa hnâwngna khawm, ṭhâlrumin thil a sukdanglam angin, a hung danglam ta hiel kha.

INPÂKNA HLABU 39:10

I mi vuokna hi ka kuoma inthawkin mi la hmangpêk la, I kutthlâka sukbohmang ka ni hi.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

FESUOKNA 8:17

Chuong ang tak chun an thaw a, Aron chun a kuta hmawl chu ân let a, hnuoia pilvut chu a vuok a, sa le mihriem chunga chun hrikhai an hung um ta a; Aigupta ram po poa chun pilvut chu hrikin a hung inchang vawng ta a.

FESUOKNA 8:24

Chun, Lalpa chun chuong ang chun a hung thaw ta a. Pharao in sûnga le a siehlawhai inhai sûnga chun thohai râpthlâktakin an hung a: chuong thohai lei chun Aigupta ram sung po poah ram chu suksietin a um ta a.

FESUOKNA 8:5

Chun, Lalpain Mosie kuomah, “Aron kuoma chun, ‘Vadunghai, tuiluongnahai le dîlhai chungah i kuta i hmawl chu inlet la,Aigupta ram chungah uṭawkhai hung suok raw hai se,’ ti rawh,” a ta.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 42:12

Lalpa chu sukropui sienla, thlierkârahai chun ân pâkna thu hril raw se.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JOEL 2:25

Nangni laia ka sipai ruol tamtak ka itir, tawktawngang dâm, khâuṭhikṭhi dâm, thingnge dâm, tuktulung dâmin an fâk zo kumhai kha thung nâwk ka ti cheu.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai Lalpa chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

NAMBAR 33:4

Chu hun chu Aigupta mihai naulutir po po Lalpain a sukhlumpêkhai an phûm lai a nih. Lalpain an pathienhai chunga khawm a hremnain ro a rêl a.

JOHAN 9:24

Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

THUPUONGSUO 11:13

Chun, chu lai tak chun simkhawleihnuoi nasatakin a hung inhnîng a, khuo chu hmun sâwma ṭhea hmun khat a chim ta a, simkhawleihnuoi inhnînga chun mi sâng sari an thi a; a danghai chun an ṭi a, vân Pathien chu an chawimawi ta a.

THUPUONGSUO 14:7

Ama chun rawl inringtakin, “A rorêl hun chu a hung tlung ta leiin Pathien chu ṭi unla, chawimawi ro; vân dâm, hnuoi dâm, tuipui dâm, tui hnâr dâm siemtu chu chibai bûk ro,” a ti a.

THUPUONGSUO 16:9

Chuongchun, mihai chu lumtaka em ûtin an um a, chuong hremna chunga thuneitu Pathien hming chu an hrilsiet a, ama chawimawi dingin an sim chuong nawh.

1 SAMUEL 5:11

Chuongchun, Philistin lalhai po po chu an ko khâwm a, “Israelhai Pathien bâwm hi infe hmangtir unla keini le kan mihai a mi sukhlum nawna dingin a umna hmun pângngaiah fe nâwk raw se,” an ta. Khaw pumpuia chun thina khawp buoina nasatak a um a; Pathien kut chun chu khuo chu a del hle si a.

1 SAMUEL 5:9

Chun, chuonga an fetlungpui chun, Lalpa kut chun khuo chu a hung sukbuoi ta a, khuoa mihriemhai chu a chîn a lienin a hrem a, pânse hri an chungah ân lêngtir a.

1 SAMUEL 6:8

Chun, Lalpa bâwm chu la unla, tawlailîra chun sie unla, chun, bawsiet thilînhlâna in inhlân rângkachak thil hlu chu thingrema khumin a sîrah sie unla, infetir unla, inthla el ro.