1 SAMUEL 6:4 - Pathien Lekhabu Inthieng (BSI)

⁴ Chun, anni chun, “A kuoma kan bawsietna inthâwina inhlân ding chu ieng am nîng a ta?” an ta. Anni chun, “Philistin lalhai zâtin rângkachak pânsie lim panga le rângkachak chaichene lim panga, in rênga chunga hri inlêng le in lalhai chunga inlêng chu thuhmun a ni si a.

1 SAMUEL 6:4 ပူးပေါင်းရင်းမြစ်များ

FESUOKNA 12:35

Israel mihai chun Mosie thu ang pei chun an thaw a; Aigupta mihai chu silfên le, rângkachak le tangkaraw incheinahai an hni tâwl a;

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.

RORELTUHAI 3:3

Chuong hnamhai chu: Philistinhai lal pangahai,le Kanaan mi po po, Zidon mihai,le Hiv mihai, Baal-hermon tlânga inthawka Hamath khuo lûtna chena Lebanon tlânga Hiv mihai an nih.

1 SAMUEL 5:12

A thi mahlahai khawm chu pânsiein an na tâwl a; chuongchun, chu khaw khêkri chun vân khi a hang tlung hiel a nih.

1 SAMUEL 5:6

Lalpa kut chu Asdod khuoa mihai chunga chu a ril ta hle el a, sietna ân tlungtirpêk tâwl ta a, Asdod khuo le a vêl khuohai chu pânsiein a hrem tâwl bawk a.

1 SAMUEL 5:9

Chun, chuonga an fetlungpui chun, Lalpa kut chun khuo chu a hung sukbuoi ta a, khuoa mihriemhai chu a chîn a lienin a hrem a, pânse hri an chungah ân lêngtir a.

1 SAMUEL 6:5

Chuleiin, in pânsie limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.

1 SAMUEL 6:8

Chun, Lalpa bâwm chu la unla, tawlailîra chun sie unla, chun, bawsiet thilînhlâna in inhlân rângkachak thil hlu chu thingrema khumin a sîrah sie unla, infetir unla, inthla el ro.