1 SAMUEL 5:8 - Pathien Lekhabu Inthieng (BSI)

⁸ Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui ta a.

1 SAMUEL 5:8 ပူးပေါင်းရင်းမြစ်များ

1 CHANCHIN SUINA 7:21

ama naupa Zabad, ama naupa Suthela le Ezer le Elead, an ran ruolhai la hmang dinga an hung thlâk leia Gath mi chu rama pienghaiin an thathai le chun.

AMOS 6:2

Kalne khuoa chun fe unla, en ro; chun, chutaka inthawkin Hamath khaw ropuia chun fe unla, en ro; chun, Philistin ram Gath khuoa chun fe thla unla, hieng ramhai nêk hin an ṭha lem am? In ram nêkin an ram chu a lien lem am?

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

JOSUA 15:11

chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infetir a; chun, Baala tlângah a fe pei a, Jabneelah a fe thla a, chuongchun, ramri chu Mediterranean tuipuiah a va tâwp a.

1 SAMUEL 17:4

Chun, Philistin mihai ṭhanghmuna inthawk chun an mi hrât, Goliath, Gath khuoa mi, tawng ruk le khâp khata insâng hi a hung suok a.

1 SAMUEL 17:52

Chun, Israel mihai le Juda mihai chu an tho a, an khêk a, Philistin mihai chu Gath chen le Ekron kul kawtkhâr chen rakin an hnawt ta a. Chun, Philistin mihai laia hliemhai chu Saaraim lampui intluonin Gath le Ekron chen chun an tlu phung el a nih.

1 SAMUEL 29:6

Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 5:11

Chuongchun, Philistin lalhai po po chu an ko khâwm a, “Israelhai Pathien bâwm hi infe hmangtir unla keini le kan mihai a mi sukhlum nawna dingin a umna hmun pângngaiah fe nâwk raw se,” an ta. Khaw pumpuia chun thina khawp buoina nasatak a um a; Pathien kut chun chu khuo chu a del hle si a.

1 SAMUEL 5:7

Chuongchun, Asdod khuoa mihaiin chuong ang chu a nih ti an lo hrietin, “Israelhai Pathien bâwm hi ei kuoma hin um zing da raw se ie, ei chunga le ei pathien Dagon chunga a kutthlâk a na êm el,” an ta.

1 SAMUEL 6:2

Chun, Philistin mihai chun, “Lalpa bâwm hi iengtin am thâwng ei ta? A umna pângngaia infetir nâwkna dân ding mi hril ta u khai,” tiin thiempuhai le aisânthiemhai an ko a.