1 SAMUEL 31:4 - Pathien Lekhabu Inthieng (BSI)

⁴ Chuongchun, Saula chun a râlthuom chawitu kuoma chun, “I kâwlhnâm kha phawi la, mi hang sunthleng rawh, chuong naw chun hieng sertanlohai hi hung an ta, mi hung sunthleng an ta, mi uongkhum nghe nghe rawi an tih,” a ta. Nisienlakhawm, a râlthuom chawitu chun a thaw nuom naw a, a ṭi êm êm el si a. Chuleiin, Saula chun kâwlhnâm chu a lâk a, a bawlût ta a.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Chun, Saula a thi hnungin, David chu Amalek mihai rûnnaa inthawkin a hung a, David chu Ziklag khuoa ni hni a um hnung chun,

2 SAMUEL 1:14

Chun, David chun a kuomah, “Lalpa hrieknâl sukbohmang dinga a chunga kutthlâk chu iengtiziea ṭi lo am i ni a?” a ta.

2 SAMUEL 1:20

Gath-a chun hril naw unla, Askelon kawtthlêrahai chun puong bawk naw ro; Chuong naw chun Philistin naunuhai lâwm an ta, Sertan lo naunuhai hlimin khêk pal rawi an tih.

2 SAMUEL 1:6

A hriltu tlangvâl chun, “Iengtin tin amanih Gilboa tlânga chun ka lo um kher a; chun, ngai ta, Saula chu a fei ringsana ngîr ka hmu a, chun, tawlailîrhai le sakawr chung chuong mihai chun an hung hnai ta hle el a.

2 SAMUEL 17:23

Chun, Ahithophel chun a remruot ang chu an pawm nawh ti a hrietin a sabengtung chu a siem a, a suok a, a khuo tieng a fe ta a, a sûnghai khawsak dân ding a ruotpêk diem a, ân âwkhlum ta a; chuongchun, a thi a, a pa thlânah an phûm ta a.

2 SAMUEL 21:12

Chun, David chu a fe a, Philistin mihaiin Gilboaa Saula an that nia Philistin mihaiin Beth-san muol laia an khai inrutu, Jabes- Gilead mihai kuoma inthawkin Saula ru le a naupa Jonathan ruhai chu a lâk a.

1 LALHAI 16:18

Chun, Zimri chun khuo chu an lâk tah ti a hriet chun, lal ina kula chun a tlânlût a, lal ina chun ân râwkhum a, a thi ta a.

1 LALHAI 16:27

Omri thilthaw chanchin danghai le a thilthawtheizie a suklanghai thu chu Israel lalhai inlal lai thu ziekna buah a chuong a ni naw am a nih?

1 CHANCHIN SUINA 10:4

Chun, Saula chun a râlthuom chawitu kuoma chun, “I kâwlhnâm kha phawi la, mi hung sunthleng el rawh; chuong naw chun, hieng sertan lohai hi hung an ta, mi hung sukbuoi rawi an tih,” a ta. Nisienlakhawm, a râlthuom chawitu chu a nuom naw a, ama chu a ṭi êm êm leiin. Chuleiin, Saula chun a kâwlhnâm chu a lâk a, a baw lût ta a.

RORELTUHAI 14:3

A nu le pa ruok chun a kuomah, “I unauhai naunuhmeihai laia manih, ei chihai po po laia hin amanih nuhmei an um dêr naw nîng a ti maw, Philistin mi, sertanlohai laia nuhmei ding i zu zawng el chu?” an ti a. Samson ruok chun a pa kuomah, “Mi neipêk el rawh, ka dit êm i sawnnâwm ie,” a ti a.

RORELTUHAI 9:54

Chuongchun, a râlthuom chawitu tlangvâl chu a ko vat a, a kuomah, “I kâwlhnâm kha phawi la, mi hang that ta khai, mihaiin nuhmei ithat a nih an mi ti nawna dingin,” a ti a. A tlangvâl chun ama chu a sunthleng a, chuongchun, a thi ta a.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.

1 SAMUEL 26:10

Chun, David ma chun, “Lalpa hringna sâlin ka hril a nih, Lalpa chun a chungah kut thlâk naw nîm, an naw vêk leh a thi ni la hung tlung el a tih; a ni naw vêk leh indonaah fêng a ta, bohmang el a tih.

1 SAMUEL 31:5

Chun, a râlthuom chawitu chun Saula a thi ti a hriet chun, ama khawm chun a kâwlhnâm chu a bawlût ve a, an thi rêl ta a.