1 SAMUEL 30:8 - Pathien Lekhabu Inthieng (BSI)

⁸ Chun, David chun, “Chuonghai chu hnawt lang, la hnawt phâk ka ti?” tiin Lalpa ân dawn a. Ama chun a hung dawn a, “Hnawt rawh, hnawt phâk ngei ngei i ta, sansuok vawng ngei ngei i tih,” a ta.

1 SAMUEL 30:8 ပူးပေါင်းရင်းမြစ်များ

INṬANNA 14:16

Chun, sum po po chu a hung lâkkîr nâwk vawng a, a naupa Lota le a sumhai chu a hung lâk nâwk vawng bawk a, a nuhmeihai khawm a hung ṭhuoi kîr a, mi danghai po po leh.

2 SAMUEL 5:19

Chun, David chun, “Philistin mihai thaw dingin kan hang fe ding am a nih? ka kuta hin anni chu pêng i ti?” tiin Lalpa a râwn a. Lalpa chun David kuoma chun, “Hang fe rawh, Philistin mihai chu i kutah ka pêk ngei ngei ding a nih,” a ta.

2 SAMUEL 5:23

Chun, Davidin Lalpa a hang rawn chun, ama chun, “Hang fe naw rawh, an hnungtieng fe huol la, thingtheihmi kûng zâwna khin hang thaw rawh.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

FESUOKNA 15:9

Hmêlma chun, ‘Hnawt ka ta, hnawtphâk ka ta, râllâk thil chu sem ka tih; Ka dittâwkin annia inthawk lâng ka ta, Ka kâwlhnâm phawi ka ta, ka kutin anni sukbohmang ka tih,’ a ti a.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

RORELTUHAI 20:18

Chun, Israel thlahai chu an tho a, Bethelah an hang fe a, Pathien an hang râwn a, “Benjamin mihai chu tu am a na hang thaw hmasa ding?” an ti a. Lalpa chun, “Judahai hang fe hmasa raw se,” a ti a.

RORELTUHAI 20:23

(Chun, Israel thlahai chu an hang fe a, Pathien hmaah zântieng chenin an hang ṭap a, “Kan unau Benjamin mihai hi do dingin kan hang inthawk nâwk ding am a nih?” tiin Lalpa an indawn a. Lalpa chun, “Hang thaw nâwk ro,” a ti a).

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.

RORELTUHAI 8:4

Chun, Gideon le a kuoma mi za thum umhai chun Jordan vadung chu an zu tlung a, an kai a, châu sa sain an hnawt pei a.

1 SAMUEL 10:22

Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.

1 SAMUEL 14:37

Chun, Saula chun Pathien a râwn a, “Philistin mihai chu ka zu thaw ding am a nih? Israelhai kutah i pêk ding am a nih?” a ta. Nisienlakhawm, chu ni chun a dawn naw a.

1 SAMUEL 23:2

Chuongchun, David chun Lalpa chu, “Chuong Philistin mihai chu ka zu thaw ding am a nih?” tiin a râwn a. Lalpa chun David kuomah, “Philistin mihai chu zu thaw la, Keila khuo chu zu sanhim rawh,” a ta.

1 SAMUEL 23:4

Chuongchun, David chun Lalpa chu a râwn nâwk ta a. Chun, Lalpa chun a dawn a, a kuomah, “Tho la, Keila khuoah zu fe thla rawh, Philistin mihai chu i kutah pêng ka tih,” a ta.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.

1 SAMUEL 30:18

Chun, David chun Amalek mihaiin an lâk po po chu a lâk nâwk vawng a; chun, David chun a nuhmei pahnihai chu a sansuok bawk a.

1 SAMUEL 30:19

Chuongchun, a chîn a lienin an naupasalhai, an naunuhmeihai, an râllâk le an thil lâk hrim hrim iengkhawm chân an nei naw a, David chun a lâkpêk nâwk vawng a nih.