1 SAMUEL 30:22 - Pathien Lekhabu Inthieng (BSI)

²² Chuongchun, David kuoma fe vehai laia mi suolhai le Belial mihai po po chun an dawn a, “Ei kuoma an fe ve naw leiin râllâk thil ei va lâkpêk nâwk hrim hrim chu pe ve nâwng ei ta, an ṭhuoi a, an fe theina dingin an nuhmeihai le an nauhai seng ruok chu an ṭhuoi phal ei tih,” an ta.

1 SAMUEL 30:22 ပူးပေါင်းရင်းမြစ်များ

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

DÂN PAHNINA 13:13

nangni laia mi dukdaklo ṭhenkhat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

RORELTUHAI 19:22

Chuong anga hlim le lâwmtaka an um lai chun, ngai ta, chu khuoa mi Belial naupasal ṭhenkhathai chun in chu an hung inhuol ta a, kawtkhâr chu an hung suk dawt dawt a, in neitupa, tarpa kuoma chun, “I ina hung tlungpa kha hung ṭhuoi suok rawh, lo pâwl kan tih,” an ti a.

1 SAMUEL 22:2

Chun, mi lunginzing taphawthai, leibat nei taphawthai, lungninawna nei taphawthai chu a kuomah an fe khâwm a; chuongchun, an hotuah a um ta a, chun a kuoma chun mi za li lai an um ta a.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.

1 SAMUEL 25:25

Ka hni che, ka lalpa hin Belial mi Nabal chu ienga khawm ngai naw raw khai, a hming ang chie el hi a ni hrim a nih, Nabal an ti namân, ân vêt a ni hi, kei i siehlawnu hin ka pu tlangvâl hungtirhai kha chu ka lo hmu naw a nih.

1 SAMUEL 30:21

Chun, mi za hni an châu leia David zui thei lova Besor vadunga an inumtirhai kuom chu David chun a va tlung a; chun, anni chu David tuok ding le a kuoma um vehai chu tuok dingin an fe suok a; chun, David chun mipuihai kuom a va tlung chun chibai a bûk tâwl a.

1 SAMUEL 30:23

Chuongchun, David chun, “Unauhai, Lalpa chun a mi humpêk a, mi do dinga hung inthawkhai ei kuta petu thil mi pêkhai chu chuong ang chun thaw naw ti niu.