1 SAMUEL 30:15 - Pathien Lekhabu Inthieng (BSI)

¹⁵ David chun a kuomah, “Chuonghai rawi umnaa chun mi zu ṭhuoi thei i ti?” a ta. Ama chun, “Mi that lo ding le, ka pu kuta mi pe nâwk lo dingin Pathien hming sâlin ṭawng inkhâm la, chuongchun, chuonghai umnaa chun zu ṭhuoi ka ti che,” a ta.

1 SAMUEL 30:15 ပူးပေါင်းရင်းမြစ်များ

INṬANNA 24:3

chuongchun, Lalpa, vân Pathien le hnuoi Pathien chu sâlin, ka umna Kanaan mihai nunghâk laia mi hi ka naupa nuhmeia neipêk lo dingin, ṭawng kân khâmtir ding che a nih;

EZEKIEL 17:13

chun, lal chi khawm chu a ṭhuoi a, ama le chun thuthlung a siem ta a, chun, ama khawm chun inkhâmna hnuoiah a hung ṭhuoi a, rama mi thilthawtheihai chu a lâk hmang a;

EZEKIEL 17:16

Ka hring zing angin, Lalpa Pathien chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

EZEKIEL 17:19

Chuleiin, Lalpa Pathien chun hieng ang hin a tih; Ka hring zing angin ka inkhâmna a hmusit le, ka thuthlung a bawsiet ta chu ama lu chunga ngei chun hung intlungtir ngei ngei ka tih.

JOSUA 2:12

Chuleiin, tuhin ka ngên cheu a nih, hi in chungah ka lunginsietzie cheu ka lo suklang ta a, nangni khawma ka pa sûnghai chungah in lunginsietna chu hung inlangtir ve ding le inchikna fietak mi siempêk dingin Lalpa hming sâlin mîn khâmpêk ro:

JOSUA 9:15

Chuongchun, Josua chun anni le chun inremna a siem a, anni chu hlâ dingin an inkârah thuthlung a siem ta a, chun, a pungkhâwmhai laia mi lienhai khawm chun an kuomah ṭawng an inkhâm ta a.

RORELTUHAI 1:24

Enthlatuhai chun khaw sûnga inthawka mi pakhat hung suok hi an hmu a, a kuomah, “Kan hni che hi, khawpui sûng lûtna mi kâwkhmu raw khai; chuongchun, keini khawma ṭhatakin kan thaw ding che a nih, ” an ti a.

1 SAMUEL 29:6

Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 30:14

Kereth Sim ram le Juda chan Sim ramhai kan rûn a, chun, Kaleb Sim ram kan rûn bawk a; chun, Ziklag khuo khawm kan raw a,” a ta.

1 SAMUEL 30:16

Chun, a zuk ṭhuoi thlâk chun, ngai ta, Philistin ram le Judai rama râllâk tamtak an lâk leiin ruoi an ṭhe a, an fâkin an dâwn a, an lo um dar nei nuoi a.