1 SAMUEL 3:19 - Pathien Lekhabu Inthieng (BSI)

¹⁹ Chun, Samuel chu a hung inṭhanglien deu deu a, a kuomah Lalpa a um pei a; a thu hrim hrim chu leihnuoiah ân luonghmangtir el naw a.

1 SAMUEL 3:19 ပူးပေါင်းရင်းမြစ်များ

INṬANNA 21:22

Chuong lai chun Abimelek le a sipai pâwl hotu Phikol chun Abraham kuomah, “I thilthaw taphawtah Pathien i kuomah a um pei hlak a:

INṬANNA 28:15

Ngai ta, i kuomah ka um a, i fena taphawtah vêng pei ka ti che a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a ti a.

INṬANNA 39:2

Lalpa chu Josef kuomah a um a; chuongchun, ama chu mi hlawtlingtak a hung ni ta a, a pu Aigupta mi ina chun a um a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

1 LALHAI 8:56

“A thutiem po po ang peia a mi Israelhai châwlna petu Lalpa chu inpâkin um raw se, a siehlaw Mosie hmanga a thutiem ṭhahai po po kha pakhat khawm ân khêl naw a.

2 LALHAI 10:10

Lalpa chun Ahab sûnghai chungchâng thu a hril a, Lalpa thu chu hnuoi chunga hin luong hmang el naw ni ti hre ro; Lalpain a siehlaw Elija hmanga a hril kha a hung suktlung a ni ta hi,” a ta.

2 LALHAI 15:12

Chu chu Lalpain Jehu kuomah, “I naupasalhai chu suon lina chenin Israelhai lalṭhungphaah ṭhung an tih,” ti thu a hril kha a nih. Chuongchun, chuong ang tak chu a hung ni ta hrim a.

2 LALHAI 22:16

Lalpain hieng ang hin a tih, Ngai ta, hi hmuna le, a sûnga chênghai chunga hin thil ṭha nawtak ka hung intlungtir ding a nih, Juda lalin lekhabua a thu tiem ang po po kha;

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.

LUKA 1:80

Chun, nautê chu a hung lien deu deu a, a thlarau tieng a hung hrât ta deu deu a, Israelhai kuoma a hung insuklang hmakhat chu thlalêrah a um zing a.

LUKA 2:40

Chun, nautê chu a hung inṭhang lien deu deu a, a hung hrât deu deu a, varnain a sip ta a, Pathien lunginsietna a chungah a um bawk a.

LUKA 2:52

Chun, Isu chu a var deu deu a, a hung lien deu deu a, Pathien le mihriem ditsakin a um deu deu a.

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

2 KORINTH 13:14

Lalpa Isu Krista lunginsietna dâm, Pathien hmangaina dâm, Thlarau Inthieng pâwlna dâm chu in rênga kuomah um raw se.

DÂN PAHNINA 18:22

zâwlneiin Lalpa hminga thu a hril a, a thu hril chu a hung tlung naw a, a hlawtling naw chun, chu chu a nih Lalpa ihril naw chu; zâwlnei chun uongtakin a hril mei mei a ni lem, ama chu in ṭi ding a ni nawh.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

JOSUA 21:45

Lalpain Israel sûnghai kuomah a ṭha tieng thu a lo hril ta hrim kha a thlâwn hrim hrim a um naw a, a hung tlung vawng a nih.

RORELTUHAI 13:24

Chun, nuhmei chun naupasal chu a hung nei ta a, a hmingah Samson an sak a; chun, nautê chu a hung inṭhanglien a, Lalpain ama chu mal a sâwm a.

1 SAMUEL 10:7

Chun, hieng inchiknahai hi i chunga a hung um pha chun thil hung umin a zir ang peiin i thaw ding a nih; Pathien chu i kuomah a um pei si a.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok ta a; chun, ngai ta u, ka naupasalhai chu nangni lai an um a, ka tleirâwla inthawkin tuchen hin ka keihruoi cheu a.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu ta a, ama chu kei thiemtak, mi huoitak, indo mi, thuhril thiemtak, hmêl ṭhatak a nih; a kuomah Lalpa khawm a um a nih,” a ta.

1 SAMUEL 18:12

Chun, a kuoma Lalpa a um lei le, Saula chu a fesan leiin Saula chun David chu a ṭi a.

1 SAMUEL 18:14

Chun, David chu a thilthaw taphawtah feltakin a châng hlak a, Lalpa chu a kuomah a um a.

1 SAMUEL 18:5

Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.

1 SAMUEL 2:21

Chun, Lalpa chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu Lalpa hmaa chun a hung inṭhanglien ta a.

1 SAMUEL 2:26

Chun, naupang Samuel chu ân ṭhanglien deu deu a, Pathien le mihriemhai dit zâwngin a um ta a.

1 SAMUEL 9:6

Ama chun a kuomah, “Ngai ta, hi khuoa hin Pathien mi a um a, mi inzaumtak a na, a hril taphawt chu a hung tlung ngei ngei hlak a nih, hung rawh, chutaka chun va fêng ei tih, ei fena dâm hi a mi hril thei miel rawi mawh,” a ta.