1 SAMUEL 3:14 - Pathien Lekhabu Inthieng (BSI)

¹⁴ Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.

1 SAMUEL 3:14 ပူးပေါင်းရင်းမြစ်များ

INPÂKNA HLABU 51:16

Inthawina chungah lâwmna i nei si naw a; chuong ni naw sien chu pêng ka tih; Pumrawhmanga thilinhlân chungah lungawina hrim i nei nawh.

ISAI 22:14

Chuongchun, sipaihai Lalpa chun ka naah ân hriettir a, “Matheilovin hi suolna hi in thi hmakhat chun nangni laia hi sukfai ni ta naw nih, Lalpa, sipaihai Lalpa chun a tih,” tiin.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 7:16

Chuleiin, hi hnam ta ding hin ṭawngṭai naw la, an ta dingin ṭawngṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw che a.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

LEVI DÂN 15:31

“Hieng ang hin Israel mipuihai chu an inthiengnawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, Lalpa chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom naw a, Lalpa chun anni chu a sukhlum ngei ding a ni si a.