1 SAMUEL 29:6 - Pathien Lekhabu Inthieng (BSI)

⁶ Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 29:6 ပူးပေါင်းရင်းမြစ်များ

INṬANNA 16:6

Abram ruok chun Sarai kuomah, “Ngai ta, i suoknu chu i kuta um annâwm, nanga remti ang ang chu a chungah thaw ta la,” a ti a. Chuongchun, Sarai chun a sukrimsi ta hle a, chuleiin, a tlânhmangsan ta a.

2 SAMUEL 3:25

Nera naupa Abner chu i hriet a, i suok i lût le i thilthaw iengkim hriet tuma hung a na,” a ta.

2 LALHAI 19:27

Kei chun i ṭhung dâm, i lût le i suok dâm, ka chunga i lunginsen hi ka hriet i sawnnaw.

INPÂKNA HLABU 121:8

Lalpa chun i suok le i lût chu vêng a ti che, Tuta inthawka kumkhawtluongin.

ISAI 37:28

“Kei ruok chun chu i ṭhung dâm, i suok dâm, i lût dâm, ka chunga i lunginsenziehai hi ka hriet i sawnnaw.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

NAMBAR 27:17

Lalpa mi pungkhâwmhai chu vêngtu nei lo berâm anga an um nawna dingin an hmaa suok le lût a, anni ṭhuoi suoka ṭhuoi lûttu dingin,” tiin.

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

JOSUA 22:30

Chun, thiempu Phinehas le a kuoma um mipuihai mi lien, Israel hnama lusahai chun Reuben mihai le Gad mihai le Manasse mihai thuhril an hriet chun anni a suklâwm ta hle a.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el si a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, Lalpa hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.

1 SAMUEL 28:10

Chun, Saula chun Lalpa hming sâlin, “Lalpa hringna sâlin ka hril hi, hi thil lei hin i chungah hremna tlung naw nih,” tiin a kuoma chun ṭawng ân khâm a.

1 SAMUEL 29:3

Chun, David le a mihai le Akis le chun hnung an dâl a. Chuongchun, Philistin lalhai chun, “Hieng Hebrai mihai hi ieng thaw am an ni leh?” an ta. Akis chun Philistin lalhai kuoma chun, “Hi David, Israelhai lal Saula siehlaw, hi chen rau ka kuoma um ta a, ka kuoma a hung tlûklûta inthawka tu chen khawma a suolna ka hmu nawna chu a ni naw am a nih?” a ta.

1 SAMUEL 29:7

Chuleiin, Philistin lalhai i suklungninaw nawna dingin kîr nâwk la, lungâwitakin fe el rawh,” a ta.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui ta a.