1 SAMUEL 29:3 - Pathien Lekhabu Inthieng (BSI)

³ Chun, David le a mihai le Akis le chun hnung an dâl a. Chuongchun, Philistin lalhai chun, “Hieng Hebrai mihai hi ieng thaw am an ni leh?” an ta. Akis chun Philistin lalhai kuoma chun, “Hi David, Israelhai lal Saula siehlaw, hi chen rau ka kuoma um ta a, ka kuoma a hung tlûklûta inthawka tu chen khawma a suolna ka hmu nawna chu a ni naw am a nih?” a ta.

1 SAMUEL 29:3 ပူးပေါင်းရင်းမြစ်များ

INṬANNA 14:13

Chun, mi pakhat tlânsuok chu a hung a, Hebrai mi Abram chu a hril a; ama chu Amor mi Mamre thingsaisuohai kâwla chun a um a, Mamre chu Eskol le Aner unau a na; chuong mihai chu Abram le ṭhang hmunkhat an nih.

1 CHANCHIN SUINA 12:19

Saula do dinga Philistin mihai le an hung lai khan, Manasse mi ṭhenkhat chu David tienga chun an pakai a; nisienlakhawm, anni chun an lo ṭhangpui naw a; Philistin mi hotuhai chun, remruotin ama chu an tir hmang a, “A hotupa Saula kuoma hin pakai a ta, ei lu inhmang rawi ei tih,” an ti si a.

1 CHANCHIN SUINA 12:20

Chun, ama chu Ziklaga a fe chun Manasse mi Adna, Jozabad, Jediael, Mikael, Jozabad, Elihu le Zillethai hai hi, sipai sâng pâwl hotuhai, Manasse hnama mi, ama tieng an ṭhang a.

DANIEL 6:5

Chun, chuong mihai chun, “A Pathien dân chung thuah ama kalna ei hmu ti ngawt naw chu, Daniel chunga hin remchâng ei hmu thei ngai âwm nawh,” an ta.

JOHAN 19:6

Chun, thiempu lalhai le manmihai chun ama an hmu phingleh an khêk a, “Krawsah hemde rawh, krawsah hemde rawh,” an ta. Pilatin an kuomah, “Nangnîn fepui unla, krawsah hemde ro; kei chu ieng khawm a suolna ka hmu si nawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:17

Tu suol khawm suolin thung naw ro, mi po po ngaia thil mawi chu ngaituo lâwk ro.

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 SAMUEL 14:11

Chun, an pahni chun Philistin mi râl vêngtu sipaihai hmuna chun an vân suklang a, chun, Philistin mihai chun, “En ta u, Hebrai mihai an inbîkna khursûnga inthawkin an hung suok tah,”an ta.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.

1 SAMUEL 27:1

Chun, David chun a lungrilin “Iengtika mani chu Saula kuta hin ka la bohmang ngei ding chu a ni hi; Philistin mihai rama tlânhmang nêka ṭha hi a um naw ding a ni hi; chuongchun, Saula’n Israel ram sûng po poa a mi zawng hi beidawng tâng a ta, chuongchun, a kuta inthawka suok nîng ka tih,” a ta.

1 SAMUEL 27:7

Chun, Philistin rama David a um sûng chu kum khat pumhlûm le thla li a nih.

1 SAMUEL 29:6

Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 4:6

Chun, Philistin mihaiin an khêkri an hriet chun, “Hebraihai riekhmuna khêkri inri ta dur dur el chu iengtizie am a ni ta leh?” an ta. Chun, an riekhmuna chun Lalpa bâwm a hung tlung a nih ti an hriet ta a.