1 SAMUEL 28:7 - Pathien Lekhabu Inthieng (BSI)

⁷ Chuongchun, Saula chun a siehlawhai kuoma chun, “Khawhri aisânthiem zâwl nuhmei a kuoma ka fea ka râwn dingin mi zawngpêk ro,” a ta. Chun, a siehlawhai chun a kuomah, “Ngai ta, Endor khuoah khawhri aisânthiem zâwl nuhmei a um annaw,” an ta.

1 SAMUEL 28:7 ပူးပေါင်းရင်းမြစ်များ

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

1 CHANCHIN SUINA 10:13

Chuongchun, Saula chu Lalpa chunga a ringum nawna leiin a thi ta a; Lalpa thu chu a zâwm naw a, khawhri zâwl aisânthiem chu zawng suokin a râwn a,

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi Lalpa in Pathien chu ka nih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

DÂN PAHNINA 18:11

dâwi invêt thiem dâm, khawhri zâwl ruoi dâm, thiemrâu dâm, mithi biek chîng mihai dâm chu nangni lai an um ding a ni nawh.

JOSUA 17:11

Issakar le Aser rama chun Manasse chun Beth-sean le a sîrvêl khuohai, Ibleam le a sîrvêl khuohai, Dora umhai le a sîrvêl khuohai, En-dora umhai le a sîrvêl khuohai, Taanaka umhai le a sîrvêl khuohai, Megiddoa umhai le a sîrvêl khuohai, zo khawsâng pathumhai chu a nei a.

1 SAMUEL 28:3

Samuel chu a thi ta a, Israel mihai po poin an ṭa a, ama khuo ngei Rama khuoa chun an phûm ta a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng ta a.