1 SAMUEL 28:6 - Pathien Lekhabu Inthieng (BSI)

⁶ Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

An ngha vêl a, nisienlakhawm, sandamtu ding tukhawm an um naw a; Lalpa ngei chu an hang en a, nisienlakhawm, a dawn si nawh.

INPÂKNA HLABU 74:9

Kan inchiknahai chu kan hmu ta naw a, Zâwlnei hrim hrim an um ta naw a, A sâwt dingzie hre hrim hrim khawm keini lai an um nawh.

FESUOKNA 28:20

a palina chu birul, onik le jasper lung nîng a ta, a phûmna chu rângkachaka tuom khum seng ni bawk an tih.

FESUOKNA 28:30

Rorêlna âwmbela chun Urim le Thummim inbûk i ta, Lalpa hmaha a fe laiin Aron lung chung taka chun an um ding a nih; chuongchun, Aron chun Israel thlahai rorêlpêkna chu Lalpa hmaah a lung chunga chun a phur zing zing ding a nih.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si naw a.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? Lalpa chun a tih.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

LEVI DÂN 8:8

Chun, âwmbel chu a bel a; âwmbela chun Urim le Thummim a sie a.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si naw a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun Lalpa hmaah Urimin thu la pêk a ta, a thuin suok an ta, a thuin lût an ta, ama le Israel mi po pohai, pungkhâwmhai po po leh,” a ta.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

JOHAN 9:31

Pathienin mi suol thu a ngai ngai nawh ti ei hriet; nisienlakhawm, tukhawmin Pathien a ngaisak a, a dit zâwng a thaw chun, Pathienin ama chu a thu a ngai hlak.

DÂN PAHNINA 33:8

Chun, Levi chungthua chun, “I Thummim le i Urim chu i mi inthieng kuomah pe la, Massaah i fie a, Meriba tuia i thaw pêkpa,

JAKOB 4:3

in hni a, in hni indik naw leiin in hmu nawh, in inhawitirna dingin hmang in tum si a.

1 SAMUEL 14:37

Chun, Saula chun Pathien a râwn a, “Philistin mihai chu ka zu thaw ding am a nih? Israelhai kutah i pêk ding am a nih?” a ta. Nisienlakhawm, chu ni chun a dawn naw a.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim naw a; chuleiin, ka thaw ding mi hril dingin ka ko el che a nih,” a ta.

1 SAMUEL 28:5

Chun, Saula chun Philistin mi sipaihai a hmu chun a ṭi a, a lungril ân thin hlawp hlawp el a.