1 SAMUEL 28:5 - Pathien Lekhabu Inthieng (BSI)

⁵ Chun, Saula chun Philistin mi sipaihai a hmu chun a ṭi a, a lungril ân thin hlawp hlawp el a.

1 SAMUEL 28:5 ပူးပေါင်းရင်းမြစ်များ

JOB LEKHABU (THE BOOK OF JOB) 15:21

Inlâuna rihai chu a naa chun a châm a; A tluongtlung laiin suksetu chu a chungah hung tlung a tih.

JOB LEKHABU (THE BOOK OF JOB) 18:11

Kil tina chun ṭitumnahai chun ama sukṭîng a ta. A kekhawnghai sir peiin hnawt a tih.

INPÂKNA HLABU 73:19

Iengtiziea mitkhapkâr chaua an rêm el am a ni aw! Thil râpthlâktakhaia sukbohmang daiin an um ta a ni hi.

THUVARHAI 10:24

Mi khawhlo ṭitna chu ama chung ngeiah hung tlung a ta, Mi fel ditna chu inhlawtlingtir nîng a tih.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi ta a; a kâwngru insuktuoknahai chu a hung inthâwt a, a khûp le khûp chu an invuoktuo ta a.

1 SAMUEL 28:4

Chun, Philistin mihai chu an pungkhâwm a, Sunema chun ṭhanghmun an va khuor a; chun, Saula chun Israel mi po po a ko khâwm a, Gilboaah ṭhanghmun an khuor ve a.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.