1 SAMUEL 27:8 - Pathien Lekhabu Inthieng (BSI)

⁸ Chun, David le a mihai chu an hang fe a, Gesur mihai dâm, Girzi mihai dâm, Amalek mihai dâm an rûn a; chuong hnamhai chu tienlaia inthawkin Sur ram tieng pang Aigupta ram chena um an nih.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Chuongchun, Joab chu a tho a, Gesura chun a fe a, Absalom chu Jerusalema chun a hung ṭhuoi ta a.

2 SAMUEL 14:32

Absalom chun Joab chu a dawn a, “Ngai ta, ‘Iengdinga Gesura inthawka hung am ka ni a? Chutaka chun um zing lang ka ta dingin a ṭha lem ding bah,’ tia lal kuoma tir dingin kân cha che a, chuleiin, lal hmêl chu mîn hmutir raw khai, chun, bawsietna nei ka lo ni chun mi sukhlum el raw se,” a ta.

2 SAMUEL 15:8

I siehlaw hin Suria rama Gesura ka um lai khan, ‘Lalpain Jerusalema a mi ṭhuoi nâwk phawt chun Lalpa rawng bâwl ka tih,’ tiin thu ka lo tiem tah a nih,” a ta.

2 SAMUEL 3:22

Chun, ngai ta, David mihai le Joab mihai rammu chu an hung a, râllâk tamtak an hung lâk a, nisienlakhawm, Abner chu Hebrona David kuoma chun a lo um ta naw a; a lo infetir ta si a, ama khawm chu lungmuongtakin a lo fe tah a nih.

2 SAMUEL 3:3

a dawttu chu Kileab, Karmela mi Nabal nuhmei Abigail le an kâra mi a nih; chun, a pathumna chu Absalom, Gesur lal Talmai naunu Maaka naupa a na.

2 SAMUEL 8:12

Suria mihai ta dâm, Moab mihai ta dâm, Ammon mihai ta dâm, Philistin mihai ta dâm, Amalek mihai ta dâm, Zoba lal Rehob naupa Hadadezera inthawka a râllâkhai dâm an nih.

1 CHANCHIN SUINA 2:23

Gesur le Aram chun annia inthawkin Jair khawpuihai le Kenath chu an lâk a, a kâwl vêl khuohai, khaw sâwmruk leh. Hienghai po po hi Gilead pa Makir naupasalhai chu an nih.

FESUOKNA 15:22

Mosie chun Israelhai chu Tuipui Sena inthawk chun a ṭhuoi pei a, Sur thlalêr chu an hung tlung ta a, chun, thlalêra ni thum an fe chun tui an hmu ta naw a.

FESUOKNA 17:8

Chun, Amalekhai chu an hung a, Rephidimah Israelhai chu an hung do ta a.

NAMBAR 13:29

Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu Mediterranean tuipui pang le Jordan vadung pangah an um,” tiin an hril a.

NAMBAR 14:45

Chuongchun, chu tlânga um Amalek mihai le Kanaan mihai chu an hung thla a, an thaw a, Horma chenin an hnawt a, an vuokthlûk rum el a.

JOSUA 12:5

Ama chun Hermon tlânga dâm chun, Salkaa dâm le Basan ram po poah Gesur mihai le Maakat mihai ramri chen le, Hesbon lal Sihon ramri chin Gilead ram zâtve chenin ro a rêl a.

JOSUA 13:13

Gesur mihai le Maakat mihai ruok chu Israel mihai chun an hnawt suok nawh. Gesur mihai le Maakat mihai chu tu chen hin Israel mihai lai an la um ta zing lem a nih.

JOSUA 13:2

Hieng ramhai hi a nih lâk lo chu: Philistin mihai ram po pohai le, Gesur mihai ram po pohai,

JOSUA 16:10

Chun, Gezera um Kanaan mihai chu an hnawt suok naw a, Kanaan mihai chu Ephraim mihai laia chun tu chen hin an la um a, sinthawa ruoi dingin, siehlawah an um ta lem a nih.

RORELTUHAI 1:29

Ephraim chun Gezera Kanaan mi umhai chu a hnawt suok naw a; Kanaan mihai chu Gezera chun anni lai an um ve ta lem a.

1 SAMUEL 29:6

Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 30:1

Chun, a ni thum nia David le a mihaiin Ziklag an tlung chun Amalek mihaiin Simtieng le Ziklag khuo chu an lo rûn zing ta a. Ziklag khuo chu an lo sawisa a, an lo raw a;