1 SAMUEL 27:2 - Pathien Lekhabu Inthieng (BSI)

² Chuongchun, David chu a tho a, a kuoma mi za ruk umhai le chun Maok naupa Gath lal Akis kuomah an fe ta a.

1 SAMUEL 27:2 ပူးပေါင်းရင်းမြစ်များ

1 CHANCHIN SUINA 12:1

Chun, Kis naupa Saula leia an khâr khum tlat laia Ziklaga David kuoma hunghai chu hienghai hi an nih: anni chu mi thilthawtheihai laia tiemsa, indonaa ama ṭhangpuituhai chu an nih.

1 SAMUEL 21:10

Chun, David chu a tho a, chu ni chun Saula ṭi chun a tlân hmang a, Gath lal Akis kuomah a fe ta a.

1 SAMUEL 21:11

Chun, Akis siehlawhai chun a kuomah, “Hi hi an ram lal David a ni naw am a ni kha? ‘Saulain a sânga sâng a that a, Davidin a sînga sîng a that a,’ tia lâm pumin a chungchâng thu hlain an sak dur dur a ni naw am a ni kha?” an ta.

1 SAMUEL 25:13

Chun, David chun a mihai kuoma chun, “In kâwlhnâm pai seng ro,” a ta. Chun, an kâwlhnâm chu an pai seng a, David khawm chun a kâwlhnâm chu a pai a; mi za li laiin David chu an hang zui a; chun, mi za hni chu thuomhnaw nghâkin an um a.

1 SAMUEL 30:8

Chun, David chun, “Chuonghai chu hnawt lang, la hnawt phâk ka ti?” tiin Lalpa ân dawn a. Ama chun a hung dawn a, “Hnawt rawh, hnawt phâk ngei ngei i ta, sansuok vawng ngei ngei i tih,” a ta.

1 SAMUEL 30:9

Chuongchun, David chu a fe ta a, ama le a kuoma mi za rukhai le chun; chun, Besor vadung chu an va tlung a, chutaka chun an mi mâksanhai chu an um a.