1 SAMUEL 27:12 - Pathien Lekhabu Inthieng (BSI)

¹² Chun, Akis chun David thuhril chu awiin, “Ama le ama hi Israel mihai ân theidatir ta hle el a, chuleiin, kumkhuoin ka siehlawah um a tih, ” a ta.

1 SAMUEL 27:12 ပူးပေါင်းရင်းမြစ်များ

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

2 SAMUEL 10:6

Chun, Ammon mihai chun David theida zâwng an lo ni tah ti an hung inhriet chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an incha a, an ruoi a.

FESUOKNA 5:21

an kuomah, “Lalpain en cheuin in chungthu chu rêl raw se, keini mi thatna dinga an kuta kâwlhnâm chawi dingin, Pharao le a siehlawhai mithmuah theidaumah in mi siem ta lei hin,” an ti a.

1 SAMUEL 13:4

Chun, Israelhai po po chun Saula chun Philistin râl vêngtu sipaihai a thaw ti le Israelhai khawmin Philistin mihai theida an phur a nih ti an lo hriet ta a. Chuongchun, a mipuihai chu Gilgala chun Saula kuomah an pungkhâwm ta ṭeu el a.

1 SAMUEL 27:11

Chun, David chun, “Philistin rama a um sûng hrim hrimin, ‘David chun hieng ang hin a thaw rawp hlak a nih,’ ti rawi an tih,” tiin a nuhmei a pasalin Gath khuoa ṭhuoi ding hrim hrim a hla naw a nih.

1 SAMUEL 28:1

Chun, chuong lai chun Philistin mihai chun an sipaihai chu Israel mihai thawa do dingin an ko khâwm rak el a. Chun, Akis chun David kuomah, “Nang le i mihai chu sipaihai lai, ka kuomah in fe ve ngei ding a nih ti hre rawh,” a ta.