1 SAMUEL 26:8 - Pathien Lekhabu Inthieng (BSI)

⁸ Chuongchun, Abisai chun David kuomah, “Vawisûn hin i hmêlma chu Pathienin i kutah a pêk a ni hi, chuleiin, fei hin vawi khatin hnuoia hin hang sunde tlat el ka ti aw? Sun nawn nâwk naw tawp ka tih,” a ta.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Chuongchun, Zeruia naupa Abisai chun lal kuomah, “Iengdinga hi ui thitlaw hin ka lalpa lal chu ṭawngsie ân phur mei mei am a ni a? a lu va tan el ka ti aw?” a ta.

INPÂKNA HLABU 31:8

A mi dotuhai kutah nangin i mi khum naw a, Ka ke hi hmun inthâwltakah în nghat ta lem a.

JEREMIA 40:15

Chun, Karea naupa Johanan chun Mizpaa Gedalia kuoma chun inrûkin thu a hril a, “Mi tir la, ka ngên che hi, Nethania naupa Ismael chu that el ka tih; tukhawma hre hliek naw ni hai; ieng dingin am i hringna chu lain, Juda i kuoma hung inkhâwm sunhai chu sukdara umin, Juda rama la um sunhai chu bohmang el an ta?” a ta.

NAHUM 1:9

Lalpa kalin ieng am in ngaituo a? Tâwp râwtna ân tlungtir ding a nih: rinum vawi hnina tlung naw nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:32

Pathienin a lunginsiet vawng theina dingin mi po po awi lonaah a khum ta vawng si a.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

JOSUA 21:44

Chun, Lalpain an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um naw a;

RORELTUHAI 1:4

Juda chu a hang fe a; chuongchun, Kanaan mihai le Periz mihai chu an kutah Lalpain a pêk ta a, Bezekah mi sîng khat an that ta a.

1 SAMUEL 23:14

Chun, David chu thlalêrah, kulbîng nghettakahai a um a, Ziph thlalêr tlâng ramah a um ta zing a. Chun, Saula chun ama chu ni tin hin a zawng a, nisienlakhawm, Pathienin a kutah a pêk nawh.

1 SAMUEL 24:4

Chun, David mihai chun a kuomah, “Ngai ta, Lalpain i kuomah, ‘Ngai ta, i hmêlma chu i kutah pêng ka ta, a chungah ṭha i ti ang angin thaw rawh,’ a ti ni kha a ni ta hi,” an ta. Chuongchun, David chu a tho a, inrûkin Saula puon hmawr chu a va ât thlâk a.

1 SAMUEL 24:5

Chun, Saula puon hmawr a va ât thlâk chun David lungril chu a sukna hle a.

1 SAMUEL 26:23

Chun, Lalpa chun mi tin an fel man le an ringumna man a pêk ding a na, vawisûn hin Lalpa chun nang hi ka kutah a pêk che deh a chu Lalpa hrieknâl chungah ka kut kân let nuom naw a nih.

1 SAMUEL 26:7

Chuongchun, David le Abisai chu mipuihai umnaah zâna chun an zu fe a; chun, ngai ta, Saula chu tawlailîr huol sûnga chun a lo zâl a, a lu tieng chun a fei chu hnuoia hin a sunbûr a; chun, Abner le mihai chu a vêla chun an zâl a.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, Lalpa hrieknâl chunga kut thlâka thiem chang thei tu am um an ta?” a ta.