1 SAMUEL 26:23 - Pathien Lekhabu Inthieng (BSI)

²³ Chun, Lalpa chun mi tin an fel man le an ringumna man a pêk ding a na, vawisûn hin Lalpa chun nang hi ka kutah a pêk che deh a chu Lalpa hrieknâl chungah ka kut kân let nuom naw a nih.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

Lalpa chun ka felzie ang peiin ka chungah a thaw a, Ka kuthai ân thieng ang ngeiin a mi thung a nih.

2 SAMUEL 22:25

Chuleiin, Lalpa chun ka felzie ang peiin a mi lo thung ta a; A mithmua kân thiengzie ang peiin.

1 LALHAI 8:32

nangin vâna inthawkin lo ngai la, châng la, mi suol chu ama lu chunga ngei a um dân innghata thiemnaw inchangtirin, mi fel chu a felna ang anga inhlawtir a, thiem inchangtirin i siehlawhai hi ro rêlpêk rawh.

NEHEMIA 13:14

Aw ka Pathien, hi thua hin mi hre zing la, ka Pathien in le a rawngbâwlna dinga ka thil thaw ṭhathai chu thaihmang lul naw rawh.

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei sia, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.

1 SAMUEL 24:12

Lalpa chun nang le keia chungthu hi rêl raw se; chun, Lalpa chun i chungah phuba mi lapêk raw se; nisienlakhawm, kei chun chu i chungah kut thlâk naw hrim hrim ka tih.

1 SAMUEL 24:18

Chun, vawisûn hin ka chunga thil ṭha i thawzie i suklang tah a nih; Lalpain i kuta a mi pêk sa khawma i mi sukhlum nawa hin.

1 SAMUEL 24:19

Mîn a hmêlma hmu ang sienla, tlangtakin ân suo nuom ding am a nih? Chuleiin, vawisûna ka chunga i thilthawa hin Lalpain thil ṭhain thung raw se che.

1 SAMUEL 26:11

Lalpa hrieknâl chunga chun kut ka thlâk naw dingzie chu, a lu bula fei le tuiûm ruok kha chu la ta la aw, chuongchun, fe el ei tih,” a ta.

1 SAMUEL 26:22

Chun, David chun a dawn a, “Aw lalpa, fei hi hei en ta, tlangvâl pakhat hung sienla hung la raw se.

1 SAMUEL 26:9

Nisienlakhawm, David chun Abisai kuomah, “Sukbohmang naw rawh, Lalpa hrieknâl chunga kut thlâka thiem chang thei tu am um an ta?” a ta.