1 SAMUEL 26:21 - Pathien Lekhabu Inthieng (BSI)

²¹ Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw ta a, ka lo thaw suol dêr el a ni ta hi,” a ta.

1 SAMUEL 26:21 ပူးပေါင်းရင်းမြစ်များ

2 LALHAI 1:13

Chun, sipai sâwmnga pâwl hotu le a rawihai sâwmnga ma a tir nâwk a. Chun, sâwmnga pâwl hotu pathumna chu a hang fe a, a hung a, Elija hmaa dingṭhaṭhuonin, a ngên a, a kuomah, “Aw Pathien mi, ka ngên che hi, keia hringna le hi i siehlaw sâwmngahai hringna hi i mithmua chun hlutak ni raw se;

2 LALHAI 1:14

ngai ta, vâna inthawkin mei a hung thla a, kha sâwmnga pâwl hotu pahnihai kha, an rawihai sâwmngahai leh a kânghâwp vawng ta a; amiruokchu, tuhin ka hringna chu i mithmua chun hlutak ni raw se,” a ti a.

INPÂKNA HLABU 116:15

A mi inthienghai thina chu, Lalpa ngai chun hlutak a nih.

INPÂKNA HLABU 49:8

An hringna intlanna ding chun thil nasatak sêng ding a na, Kumkhuo khawma a tina tin naw el ding a nih:

INPÂKNA HLABU 72:14

An hringna chu nêksâwrna le nunsietnaa inthawkin intlan a ta, An thisen chu ama ngai chun hlutak a ni ding a ni si a.

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, Lalpa ruok chu a fel a nih.

NAMBAR 22:34

Balaam chun Lalpa vântirko kuomah, “Ka lo suol a ni ta chu, mi dang dingin lampuiah i ngîr ti ka hriet si naw a; chuleiin, i lâwm naw chun kîr nâwk el ka tih,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: Lalpa i Pathien thupêk, thu a pêk che hi i zâwm naw a nih; Lalpa chun Israelhai chunga în lalna hi kumkhuoa dinga sukdet tum chu a ni a.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 15:30

Chuongchun, ama chun, “Ka lo suol a ni ta a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, Lalpa i Pathien ka biek theina dingin mi fepui hrâm bawk la,” a ta.

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 24:17

David kuoma chun, “Keia nêk chun i fel lem êm êm a nih, nang chun chu ka chungah thil ṭha i thaw a, kei ruok chun chu thil ṭha naw ka thaw a nih.

1 SAMUEL 26:22

Chun, David chun a dawn a, “Aw lalpa, fei hi hei en ta, tlangvâl pakhat hung sienla hung la raw se.

1 SAMUEL 26:24

Ngai ta, vawisûna i hringna ka ngaihlutpêk che ang bawk hin Lalpa chun ka hringna hi mi ngaihlupêk sienla, lunginzîngna po poa inthawk hin mi sansuok raw se,” a ta.

1 SAMUEL 27:4

Chun, David chu Gath khuoah a tlân ti Saula chu an hril a, chuongchun, a zawng nâwk ta naw a.