1 SAMUEL 26:20 - Pathien Lekhabu Inthieng (BSI)

²⁰ Chuleiin, ka thisen chu Lalpa hmu phâk nawah hnuoi chungah luong naw raw se; varung pêl dinga mihai chu tlânga chun an raminvâk angin Israel lal chu uihrik chau zawng dingin a fe suok a ni hi,” a ta.

1 SAMUEL 26:20 ပူးပေါင်းရင်းမြစ်များ

JEREMIA 16:16

Lalpa chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuoktuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

ṬAP HLA 3:52

A san um lova ka hmêlmahai chun, vate angin an mi hnawt rak rak a,

MATTHAI 26:47

Chun, a la hril lai zingin Juda, sâwmpahni hai laia mi pakhat chu, a hung tlung ta a, ama ruol chun thiempu lalhai le upahai kuoma inthawkin mipui nasatak, kâwlhnâm le hembâwk chawiin an hung tlung bawk a.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hembâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si naw a.

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si naw a.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei sia, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.

1 SAMUEL 24:14

Israel lal hi tu zawnga hung suok am a na? Tu am a na i hnawt? Ui pûl thi, uihrik el.

1 SAMUEL 24:15

Chuleiin, Lalpa chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:29

Nangma hnawt ding che le i hringna sukbo dingin mihai hung inthawk hai sien khawm, Lalpa i Pathien chun ka pu hringna hi vênghim tlat a ta; i hmêlmahai hringna ruok chu vailungdênga dêng angin dêng hmang dai a tih.