1 SAMUEL 25:6 - Pathien Lekhabu Inthieng (BSI)

⁶ chun, mi neinungtakpa kuoma chun hieng ang hin hril ro, ‘I chunga dâm, i sûngkuohai chunga dâm, i nei po po chunga dâm, lungmuongna um raw se.

1 SAMUEL 25:6 ပူးပေါင်းရင်းမြစ်များ

INṬANNA 43:23

Ama chun, “Lungmuongtakin um unla, ṭi naw ro, in Pathien, in pa Pathien chun in iphaia chun ro a pêk cheu a ni chu: in tangka kha ka hmu si a,” a ti a. Chun, Simeon chu an kuomah a hung ṭhuoi suokpêk ta a.

2 SAMUEL 18:28

Chun, Ahimaaz chun a ko a, lal kuomah, “A ṭha vawng ie,” a ta. Chun, a hmaia hnuoi sikin lal hmaa chun chibai bûkin a kûn a, “Lalpa, ka lalpa thaw tuma kut thlâk tumtuhai lo dangtu Lalpa i Pathien chu inpâkin um raw se,” a ta.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

INPÂKNA HLABU 122:7

I kul sûnga chun thlamuongna um sienla, I lal inhaia chun thawvengna um raw se.

INPÂKNA HLABU 122:8

Ka unauhai le ka ruolhai leiin, “I sûngah thlamuongna um raw se,” tîng ka tih.

LUKA 10:5

Chun, in in lûtna taphawtah a hmasatakin, ‘Hi ina hin thlamuongna tlung raw se,’ ti ro.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

1 THESSALONIKA 3:8

Tuhin chu kan hring tah, Lalpaah in ngîr det phawt hin chu.

2 THESSALONIKA 3:16

Chun, inremna Lalpa ngei chun kumkhuoin kawng tinrêngah inremna pe raw se cheu.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

1 SAMUEL 25:5

Chuongchun, Davidin tlangvâl sâwm a tir a, tlangvâlhai kuoma chun, Davidin, “Karmel tlânga chun hang fe unla, Nabal kuoma chun hang fe unla, keia hmingin chibai hang bûk ro;