1 SAMUEL 25:39 - Pathien Lekhabu Inthieng (BSI)

³⁹ Chun, Davidin Nabal chu a thi ti a hang hriet chun, “Ka hming sietna dingin Nabal thilthawa mi hrilpuia, a siehlaw chu thil ṭha naw chu thaw lo dinga mi khaptu Lalpa chu inpâkin um raw se; Nabal thil ṭha naw thaw chu Lalpain ama chung ngeiah ân tlâktir ta a nih,” a ta. Chun, David chun Abigail chu nuhmei dinga va be dingin mi a tir a.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “Lalpa hrieknâl chu ka that a nih,’ tia nangma bâu ngeia in puong leiin i thisen chu nangma lu chung ngeiah um raw se,” a ta.

1 LALHAI 2:44

Chun, lal ma chun Simei kuomah, “I lungril sûng rîtlozie, ka pa David chunga i thawziehai kha i hriet vawng a, chuongchun, Lalpain i rîtlona hi nangma lu chunga ngei hung inlêttir a tih.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

ESTHER 9:25

amiruokchu, chu thil chu lal kuom a hung tlung chun, a dawhâ ṭha lotak, Judahai chunga dawhâ a nei chu, ama lu chung ngeiah a tla lem ding a nih tiin lekha ziekin thu a pêk a, ama le a naupasalhai ngei khawm chu khaihlumnahaia chun khai kâng an ni ding a nih, tiin.

INPÂKNA HLABU 7:16

A thil suksuolna chu ama lu chung ngeia chun hung kîr nâwk a ta, Nunsetaka a thilthaw chu ama lusîpa ngei hung tlâng a tih.

INPÂKNA HLABU 9:5

Hnam tin chu i hal a, mi rilohai chu i sukbohmang a, An hming chu kumkhawtluonga dingin i thai hmang ta a.

THUVARHAI 18:22

Tukhawm nuhmei hmutu chun thil ṭha a hmu a nih, Lalpa ditsakna khawm a chang a nih.

THUVARHAI 19:14

In le hausaknahai hi thlatuhaia inthawka rochan an na, Nuhmei var ruok hi chu Lalpaa inthawk a nih.

THUVARHAI 22:23

An chungthu chu Lalpa chun a ṭan ding a ni si a, Anni suksetuhai hringna chu sukse vêng a tih.

THUVARHAI 31:10

Nuhmei ringum chu tuin am hmu thei a ta? A hlutna chu lung mantamhai nêkin ân sâng dai si a.

THUVARHAI 31:30

Ditsakna hi hmusitum a na, mawina khawm hi teplo mei mei a nih, Amiruokchu, nuhmei Lalpa ṭitu chu, ama chu inpâkin um a tih.

HLAHAI HLA 8:8

Farnu chitê kan nei a, Ama chun nênehai a nei naw a; Ei farnu ta ding chun ieng am thaw tâng ei ta, Ama chanchin chu hrila a um nia chun?

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

2 KORINTH 13:7

Chun, thil hrim hrim in suksuol nawna dingin Pathien kuomah kan hni hlak a, chu chu keini hi dituma kan inlang theina ding a ni naw a, nangniin a mawi mawi in thaw theina dingin a ni lem; keini chu dit naw angin um inlang khawm.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

RORELTUHAI 5:2

“Hotuhai chun Israel lai hin hma an ṭhuoi a, Mipuihai chu inhâwktakin an hung inpe ta hi; Lalpa chu inpâk ro.

1 SAMUEL 24:15

Chuleiin, Lalpa chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:26

Chuleiin, tuhin pu Lalpa hringna le i hringna sâlin ka hril a nih, ka lo hmu naw takzet a nih, Lalpain thisen insuo lo ding le i kuta phuba la lo dingin a siem si che a, i hmêlmahai le ka pu ṭhat nawna zawngtuhai chu Nabal ang ni el raw se.

1 SAMUEL 25:32

Chun, David chun Abigail kuoma chun, “Vawisûna mi tuok dinga hung tirtu che Lalpa Israelhai Pathien chu inpâkin um raw se;

1 SAMUEL 25:34

Nangin mi lo tuok vak naw la chu, Lalpa Israelhai Pathien hringna sâlin ka hril a, zînga khawvar chen chun Nabal chu naupang pakhat chau khawm hlapêk naw tawp ka tih,” a ta.

1 SAMUEL 25:40

Chun, David siehlawhai chun Karmel tlânga Abigail kuom an va tlung chun, “David chun a nuhmei dinga ṭhuoi ding chein a mi tir a nih,” tiin an biek a.

1 SAMUEL 26:10

Chun, David ma chun, “Lalpa hringna sâlin ka hril a nih, Lalpa chun a chungah kut thlâk naw nîm, an naw vêk leh a thi ni la hung tlung el a tih; a ni naw vêk leh indonaah fêng a ta, bohmang el a tih.