1 SAMUEL 25:24 - Pathien Lekhabu Inthieng (BSI)

²⁴ Chun, a ke bula chun a bawkkhup a, “Keimân, pu, keima ngeiin khawhlona chu phur el ka tih, chun, i siehlawnu hin i na hrietah thu hril sienla, i siehlawnu thuhril chu ngai dingin ka hni che a nih.

1 SAMUEL 25:24 ပူးပေါင်းရင်းမြစ်များ

INṬANNA 44:18

Chu phingleh Juda chun Josef chu a va hnai a, “Aw pu, lunginsiettakin i siehlaw hi i hrietah thu bau khat mîn hriltir rawh, i lunginsen chu i siehlaw chunga hin inchawktir naw la, nang chu Pharao ang el i ni si a.

2 SAMUEL 14:12

Chuongchun, nuhmei chun, “Ka hni che hi, i suoknu hin lalpa ka pu kuoma hin thu bau khat chau hang hril nâwk raw se,” a ta.

2 SAMUEL 14:9

Chun, Tekoa khuoa nuhmei chun lal kuoma chun, “Aw lalpa, ka pu, bawsietna maw chu keia chunga le ka pa sûnghai chungah tla el raw se; chun, lal le lalṭhungpha chun maw chu phur naw raw se,” a ta.

2 SAMUEL 20:17

Chun, a kuoma chun a va fe hnai a, chun, nuhmei chun, “Joab i ni maw?” a ti a. “Nih e,” tiin a dawn a. Chuongchun, a kuomah, “I suoknu thuhril hi ngai ta,” a ti a. Chun, ama chun a dawn a, “Ka lo ngai ie,” a ti a.

2 LALHAI 4:37

Chun, ama minu chu a va lût a, a hmaia hnuoi sikin chibai a bûk a, chun, a naupa chu a pawm a, a suok ta a.

ESTHER 8:3

Chun, Esther chun lal kuoma chun thu a la hril nâwk a, a ke bulah a bawkkhup a, Agag mi Haman thil sukpawi le, Juda mihai chunga a thil phierrûkna rawt chu siehmang dingin mitthli pumin a ngên a.

THUVARHAI 25:15

Tuor sâwt peina chun rorêltu chu thlêmthlûk a na, Chun, lei innêm chun ru chu a sukthliek.

THUHRILTU 10:4

Rorêltu lungril chu i chungah a tho chun, I umna hmun chu mâksan naw la; Intuklûtna hin lungninawna nasatak chu a sukrê si a.

MATTHAI 18:29

Chuongchun, a suok chanpui chu a bawkkhup a, ‘Ka chungah za la ngai phawt la, la pêng ka ti che,’ tiin a ngên rak a.

1 SAMUEL 24:8

A hnung ela chun David khawm chu a tho a, pûka inthawk chun a suok a, “Lalpa, ka lalpa,” tiin Saula chu a ko zui a. Chun, Saula chu a nghakîr chun, David chun a hmaia hnuoi sikin chibai a bûk a.

1 SAMUEL 25:23

Chun, Abigail chun David a hmu chun a sabengtunga inthawk chun a ṭum vat a, David hmaa chun a hmaia hnuoi sikin chibai a bûk a.

1 SAMUEL 25:25

Ka hni che, ka lalpa hin Belial mi Nabal chu ienga khawm ngai naw raw khai, a hming ang chie el hi a ni hrim a nih, Nabal an ti namân, ân vêt a ni hi, kei i siehlawnu hin ka pu tlangvâl hungtirhai kha chu ka lo hmu naw a nih.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.