1 SAMUEL 23:6 - Pathien Lekhabu Inthieng (BSI)

⁶ Chun, Ahimelek naupa Abiathar Keila khuoa David kuoma a tlân lai khan thiempu zakawsîng chawia fe thla a na.

1 SAMUEL 23:6 ပူးပေါင်းရင်းမြစ်များ

1 LALHAI 2:26

Chun, thiempu Abiathar kuoma chun lal chun, “Anathoth khuoa nanga in le loah fe dai rawh, thi tlâk chu i ni ngei a, amiruokchu, ka pa David hmaa Lalpa Pathien bâwm i lo zâwn hlak lei le, ka pa rinum tuornahai po poa chun i lo tuor ve ta hlak leiin tuhin chu chu la sukhlum hri naw ning che,” a ta.

FESUOKNA 28:6

“Chun, rângkachak zai le sahmul dumpâwl le, a êm le seninlârin kutthiemtakin zakawsîng chu siem an tih.

1 SAMUEL 14:18

Chun, Saula chun Ahija kuoma chun, “Pathien bâwm chu hang la raw khai,” a ti a. Chuong lai chun Pathien bâwm chu Israel mihai laia um a na.

1 SAMUEL 14:3

Chun, Silo khuoa thiempu Eli naupa Phinehas naupa Ikabod naupa Ahitub naupa Ahija chu thiempu zakawsîng hâkin a um ve a. Chun, Jonathan chu a fe ti mipuihai chun an hriet naw a.

1 SAMUEL 22:20

Chun, Ahitub naupa Ahimelek naupasalhai laia pakhat a hming Abiathar chu a tlân suok a, David kuomah a tlân a.

1 SAMUEL 23:2

Chuongchun, David chun Lalpa chu, “Chuong Philistin mihai chu ka zu thaw ding am a nih?” tiin a râwn a. Lalpa chun David kuomah, “Philistin mihai chu zu thaw la, Keila khuo chu zu sanhim rawh,” a ta.

1 SAMUEL 23:5

Chuongchun, David le a mihai chu Keila khuoa chun an zu fe ta a, Philistin mihai chu an zu thaw a, an ranhai chu an lâkpêk a, an that ṭeu a. Chuong ang chun David chun Keila khuoa mihai chu a humhim ta a.

1 SAMUEL 23:7

Chun, Keila khuoa chun David chu a fe ti Saula an hril a, Saula chun, “Pathienin ka kutah a mi pêk a ni ta chu, kul kawtkhâr le a kalna nei khuoa chun lûtin ân khum ta si a,” a ta.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.

1 SAMUEL 30:7

Chun, David chun Ahimelek naupa thiempu Abiathar kuoma chun, “Thiempu zakawsîng mi va lapêk raw khai,” a ta. Abiathar chun David chu thiempu zakawsîng a va lâkpêk a.