1 SAMUEL 23:4 - Pathien Lekhabu Inthieng (BSI)

⁴ Chuongchun, David chun Lalpa chu a râwn nâwk ta a. Chun, Lalpa chun a dawn a, a kuomah, “Tho la, Keila khuoah zu fe thla rawh, Philistin mihai chu i kutah pêng ka tih,” a ta.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 5:19

Chun, David chun, “Philistin mihai thaw dingin kan hang fe ding am a nih? ka kuta hin anni chu pêng i ti?” tiin Lalpa a râwn a. Lalpa chun David kuoma chun, “Hang fe rawh, Philistin mihai chu i kutah ka pêk ngei ngei ding a nih,” a ta.

2 LALHAI 3:18

Chun, hi thil hi Lalpa mithmua chun thil chitê a na, chun, Moab mihai khawm chu in kutah pe bawk a ti cheu.

1 CHANCHIN SUINA 14:10

David chun Pathien kuomah, “Philistin mihai chu ka hang do ding am a nih? Ka kutah anni chu i mi pêk ding am a nih?” tiin ân dawn a. Lalpa chun a kuomah, “Hang fe rawh, anni chu i kutah ka pêk ding a ni si a,” a ta.

JOSUA 8:7

Chun, inchânrûknaa inthawk chun hung suok in ta, khawpui chu la el in tih; Lalpa in Pathienin in kutah a pêk ding a nih.

RORELTUHAI 6:39

Chun, Gideonin Pathien kuomah, “Ka chunga hin lunginsen naw la, vawi khat chau hang hril nâwk ka tih, vawi khat chau berâm hmulin mi sukfiepêk nâwk rawh, tuta ṭum chu berâm hmul chau chu lo hul sienla, hnuoi chung po poa chun dâidaw lo um ve thung raw se,” a ti a.

RORELTUHAI 7:7

Chuongchun, Lalpa chun Gideon kuomah, “Mi za thum, a lieka liekhai kha hmangin ka sansuok ding cheu a nih, Midianhai hi i kutah ka pêk ding a nih; a dang po po chu mâni hmun sengah fe kîr vawng raw hai se,” a ti a.

RORELTUHAI 7:9

Chu zâna chun Lalpain a kuomah, “Tho la, kula chun zu fe raw khai, i kutah ka pêk ding che a nih:

1 SAMUEL 10:22

Chuongchun, Lalpa chu an hang indawn nâwk a, “Mi dang la hung ding an um am?an ta. Chun, Lalpa chun a dawn a, “Ngai ta u, thuomhnaw lai ân bihmang a nih,” a ta.

1 SAMUEL 23:2

Chuongchun, David chun Lalpa chu, “Chuong Philistin mihai chu ka zu thaw ding am a nih?” tiin a râwn a. Lalpa chun David kuomah, “Philistin mihai chu zu thaw la, Keila khuo chu zu sanhim rawh,” a ta.

1 SAMUEL 23:3

Chun, David mihai chun a kuomah, “Ngai ta, Judai rama um zing khawm hin ei ṭi a na, Keila khuoa zu fe a, Philistin sipaihai zu do chu ṭi a va um nâwkzuol âwm de!” an ta.

1 SAMUEL 23:5

Chuongchun, David le a mihai chu Keila khuoa chun an zu fe ta a, Philistin mihai chu an zu thaw a, an ranhai chu an lâkpêk a, an that ṭeu a. Chuong ang chun David chun Keila khuoa mihai chu a humhim ta a.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.

1 SAMUEL 30:8

Chun, David chun, “Chuonghai chu hnawt lang, la hnawt phâk ka ti?” tiin Lalpa ân dawn a. Ama chun a hung dawn a, “Hnawt rawh, hnawt phâk ngei ngei i ta, sansuok vawng ngei ngei i tih,” a ta.