1 SAMUEL 23:23 - Pathien Lekhabu Inthieng (BSI)

²³ Chuleiin, ân bîkhmangna hmun po pohai hre vawng bak unla, chun, ka kuomah hung nâwk ngei ngei unla: chun, nangni leh ka fe ve ding a nih: chun, hi ramah a um phawt chun Juda mi sâng tamtak laia inthawk chun zawng suok ka tih,” a ta.

1 SAMUEL 23:23 ပူးပေါင်းရင်းမြစ်များ

1 LALHAI 18:10

Lalpa i Pathien hringna sâlin ka hril a nih; ka pu hin nangma inzawngtir nawna hnam le ram hrim hrim a nei nawh i sawnnaw, ‘Hitaka hin a um nawh,’ an ti chun, an hmu naw che thuah ram le hnam chu ṭawng ân khâmtir pei a na.

2 LALHAI 6:13

Chun, ama chun, “Khâwlai am a um a, va zawng ta u, inmantir ka tih,” a ta. Chun, “Ngai ta, Dothan khuoah a um,” tiin an hril a.

INPÂKNA HLABU 10:8

Khaw tina inchân rûkna hmunhaiah a ṭhung hlak a, Hmun fienriela chun pawitâwklo mihai a that hlak a; A mitin iengkhawm thaw thei lo mi chu ân chânrûk zing hlak.

THUVARHAI 1:16

An kehai chu rîtlona tieng a tlân a, Thisen insuo dingin an inhmaw si a.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

NAMBAR 10:36

Chun, ân nghat po leh, “Aw Lalpa, Israel mipuihai lai hin hung kîr nâwk rawh,” a ti hlak a.

MARKA 14:1

Chun, ni hni hnung chun Fekân Ruoiṭhe le Chawlṭhanglo bei Ruoiṭhe a um ding a na; Thiempu lalhai le Dân inchûktirtuhai chun ama chu zâwra, mana sukhlum theina dingzie an zawng an zawng a.

1 SAMUEL 23:22

Fe unla, va sukchieng nâwkzuol unla, a hnung le hma va sui unla, chutaka a hmutu khawm va sukfel nâwkzuol zet zet ro: var vervêktakin thil a thaw hlak a nih ti mîn an mi hril a nih.

1 SAMUEL 23:24

Chun, an tho a, Saula fe hmain Zipha chun an fe ta a, nisienlakhawm, David le a mihai chu Jeshimon simtieng Arabaah Maon thlalêra chun an um a.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei sia, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.