1 SAMUEL 23:10 - Pathien Lekhabu Inthieng (BSI)

¹⁰ Chuongchun, David chun, “Aw Lalpa, Israelhai Pathien, i siehlaw hin Saula chun keima leia khuo chu sukse dingin, Keila khuoa hin hung thlâk a tum ti ka hriet tlat a.

1 SAMUEL 23:10 ပူးပေါင်းရင်းမြစ်များ

INṬANNA 18:24

Khaw sûnga chun mi fel sâwmnga bêk an um el rawi mawh, a sûnga mi fel sâwmnga umhai lei chun khuo chu hla lovin i sukbohmang el ding am a nih?

ESTHER 3:6

Nisienlakhawm, ama chun Mordekai chung chaua kut thlâk chu inzâpuiumah a ngai a; Mordekai chipuihai ngei chu ama an lo inhriettir ta si a; chuongchun, Haman chun Ahasuer ramawp sûng po poa, Juda mihai po po, Mordekai chipuihai ngei chu sukbohmangna ding a zawng ta a.

THUVARHAI 28:15

Rorêltu suol chu mi pase chunga chun, Sakeibaknei inrûm hlak le savawm inhûk hlak ang hi a nih.

1 SAMUEL 22:19

Chun, Nob, thiempu khuo chu kâwlhnâmin a thaw a, a nuhmei a pasalin naupang le nênê ne lai chenin, bâwnghai, sabengtunghai, berâmhai leh kâwlhnâmin a sât hlum a.

1 SAMUEL 23:11

Keila khuoa mihai hin a kuta chun an mi pêk el ding am a nih? I siehlawin ka lo hriet ang chun Saula chu a hung thla ding am a nih? Aw Lalpa, Israelhai Pathien, ka hni che a nih, i siehlaw hi hung hril rawh,” a ta. Chun, Lalpa chun, “A hung thla ding a nih,” a ta.

1 SAMUEL 23:8

Chun, Saula chun mi po po chu indo dingin, Keila khuoa chun zu fe a, David le a mihai zûn huol dingin a ko khâwm a.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.