1 SAMUEL 22:17 - Pathien Lekhabu Inthieng (BSI)

¹⁷ Chun, lal chun a kâwla ngîr sipai kuoma chun, “Nghakîr unla, Lalpa thiempuhai hi that ro, David tieng an ṭhang a, a tlân hmang a nih ti hre zing siin ka kuoma an hril naw leiin,” a ta. Nisienlakhawm, lal siehlawhai chun Lalpa thiempuhai thaw ding chun kut an inlet nuom naw a.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Chuong thil hnunga chun Absalom chun tawlailîr le sakawrhai le mi sâwmnga a hmaa tlân dingin a buotsai a.

1 LALHAI 1:5

Chun, Haggith naupa Adonija chu ama le ama inchawisângin, “Kei hi lal ka la ni ngei âwm hi maw, ” a ta, tawlailîr le sakawr chung chuong mihai, mi sâwmnga a hmaa tlân dinghai leh a buotsai a.

1 LALHAI 14:27

Chun, lal Rehoboam chun chuong aia chun dâr phawhai a siem a, lal in kawtkhâr vêngtu hotuhai ân kawltir a.

1 LALHAI 18:4

Jezebelin Lalpa zâwlneihai a râwt rak lai khan Obadia chun zâwlnei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

2 LALHAI 10:25

Chun, pumrawhmang thilinhlân chu ân hlân zo chun Jehu chun vêngtu sipai le an hotu kuoma chun, “Va lût unla, va that ro, tukhawm insuoktir naw ro,” a ta. Chun, kâwlhnâmin an sât rak el a; chun, vêngtu sipai le an hotuhai chun an pei suok a; chun, Baal in umna khuoa chun an fe a.

FESUOKNA 1:17

Nisienlakhawm, naudawmtuhai chun Pathien an ṭi a, Aigupta lalin anni thu a pêk angin an thaw naw a, nautê pasalhai chu an sanhim lem ta a.

THILTHAWHAI 4:19

Nisienlakhawm, Peter le Johanin an kuomah, “Pathien mithmuin, Pathien thu zâwm nêkin nangni thu zâwm ân dik lem am chu, ngaituo ro.

1 SAMUEL 14:45

Chun, mipuihai chun Saula kuoma chun, “Israelhai laia hi sandamna ropuitak thawtu Jonathan hi a thi el ding maw? Teu lo e, Lalpa hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thawpui a ni si a,” an ta. Chuongchun, mipui chun Jonathan chu thi lo dingin an sanhim ta a.

1 SAMUEL 2:31

Ngai ta, i bân dâm, i pa sûnghai bân dâm ka tan ni ding chu a hung tlung ding a ni tah; i inah tarkûna dam hrim hrim um naw ni hai.

1 SAMUEL 20:33

Saula chun khaw tumin a fei chu a hang inlet a; chu chu lei chun Jonathan chun a pain David chu that a lo tum ngei a ni ti a hriet ta a.

1 SAMUEL 22:13

Chun, Saulain a kuomah, “Bei le kâwlhnâm dâm lo pe a, Lalpa chu rawnpêkin vawisûn nia a thaw anga mi do ding le min chân dinga iengdinga nang le Jesai naupa hin in mi phierrûk am a na?” a ta.

1 SAMUEL 22:16

Chun, lal chun, “Ahimelek, i thi ngei ngei ding a nih, nang le i pa sûngkuohai po po leh,” a ta.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.

1 SAMUEL 8:11

“In chunga rorêltu lal châng dân ding chu hieng ang hi nîng a tih: in naupasalhai chu a sakawr le a tawlailîr chuongpuia hai ruot a ta, a tawlailîr hmaa tlânhai dâm um an ta;