1 SAMUEL 20:8 - Pathien Lekhabu Inthieng (BSI)

⁸ Chuleiin, i siehlaw hi ṭhatakin thaw la, i siehlaw chu Lalpa thuthlungah i lûtpui ta si a; amiruokchu, bawsietna nei ka ni chun nangin mi that law law el rawh, iengdingin am i pa kuoma chun mi ṭhuoi kher kher i ta?” a ta.

1 SAMUEL 20:8 ပူးပေါင်းရင်းမြစ်များ

INṬANNA 24:49

Chuongchun, tuhin, ka pu in lunginsiet a, a chungah thaw tak taka in thaw ding chun mi hril ro; in thaw naw ding khawmin mi hril bawk ro; chuongchun, ka thaw dân ding hre thei ka tih,” a ta.

INṬANNA 47:29

Chun, Israel thi hun ding chu a hung hnai ta a; chuongchun, a naupa Josef chu a ko a, a kuomah, “I mi lunginsiet thei chun, lunginsiettakin i kut kha ka êlpui hnuoiah rawl la, ka chungah thuzâwmtak le indiktaka thaw dingin intiem rawh. Aiguptaa hin mi phûm lul naw rawh.

2 SAMUEL 14:32

Absalom chun Joab chu a dawn a, “Ngai ta, ‘Iengdinga Gesura inthawka hung am ka ni a? Chutaka chun um zing lang ka ta dingin a ṭha lem ding bah,’ tia lal kuoma tir dingin kân cha che a, chuleiin, lal hmêl chu mîn hmutir raw khai, chun, bawsietna nei ka lo ni chun mi sukhlum el raw se,” a ta.

1 CHANCHIN SUINA 12:17

David chu anni tuok dingin a va suok a, anni chu a dawn a, an kuomah, “Kei mi ṭhangpui dinga muongumtaka hung in ni chun, ka lungril chu nangnia kawp tlat a ta, amiruokchu, ka kutin pawi a tâwk nawh ti hre zinga; ka hmêlmahai kuoma mîn mantir dinga hung in ni ruok chun, ei thlatuhai Pathien chun, chu chu en sienla cheu, kâwk raw se cheu,” a ta.

INPÂKNA HLABU 116:11

Ka hamhaiin, “Mi po po khêl an nih,” ka lo ti ta a.

THUVARHAI 3:3

Lunginsietna le thudik chun nghatsan naw sienla che: I rîngah vêt tlat la, I lungril phêk chunga chun ziek rawh.

THILTHAWHAI 25:11

Mi suol ka nia, thina khawp rau thil thaw ka ni chun, thi khawm ka sêl nawh; nisienlakhawm, hienghai mi hêkna thil hi a bul iengkhawm a um naw chun, tukhawmin an kuomah mi pe thei naw ni hai, Kaisar kuomah intlun ka tih,” a ta.

JOSUA 2:14

Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. Lalpain ram hi a mi pêk pha chun lunginsiet chein, i chungah ringumtakin thâwng kan tih,” an ta.

JOSUA 22:22

an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

RUTH 1:8

Chun, Naomi chun a mohai pahni kuoma chun, “Fe unla, in nuhai in ve veah kîr nâwk el ta ro; mithihai chunga le ka chunga in thaw ang tak hin, Lalpain in chungah ngilneitakin thaw ve raw se.

1 SAMUEL 18:1

Chun, Saula kuoma thu a hril zo chun Jonathan hringna le David hringna chu a lo inzawm ta chie el a, chuongchun, Jonathan chun ama hringna a hmangai ang chiein a hmangai ta a.

1 SAMUEL 18:3

Chuongchun, Jonathan le David chun thu an thlung a, ama hringna ang chiea a hmangai leiin.

1 SAMUEL 20:16

Jonathan chun, “David hmêlmahaia inthawkin Lalpa chun phût a tih,” tiin David sûnghai kuoma chun thu a thlung a.

1 SAMUEL 20:9

Chun, Jonathan chun, “That lo e a, i chunga thil ṭha naw thaw ka pain a tum ka hriet phawt chun ka hril naw ding che am a nih?” a ta.

1 SAMUEL 23:18

David chu Horesha chun a um zing a; Jonathan ruok chu in tieng a fe ta a.